تحريڪ انصاف جي رهنمائن نادر اڪمل لغاري ۽ عارف علوي جي طرفان سنڌ جي عوام جي جائز حقن جي مطالبي کي سنڌ جي تقسيم سان تعبير ڪرڻ تي رابطا ڪميٽي جي ميمبر اشفاق منگي جي طرفان مذمت جو اظهار.

ڪراچي؛19 سيپٽمبر؛2014

             متحده قومي موومينٽ جي رابطا ڪميٽي جي ميمبر اشفاق منگي تحريڪ انصاف جي رهنمائن نادر اڪمل لغاري ۽ عارف علوي جي طرفان سنڌ جي عوام جي جائز حقن جي مطالبن کي سنڌ جي تقسيم سان تعبير ڪرڻ ۽ معصوم سنڌي ڀائرن کي هڪ ڀيرو ٻيهر بيوقوف بڻائڻ جي عمل جي سخت ترين لفظن ۾ مذمت ڪئي آهي ۽ چيو آهي ته هاڻي سنڌ جي عوام جي جائز حقن جي مطالبي تي وڏيرن ۽ جاگيردارن جي ترجماني ڪرڻ وارا نام نهاد سياسي رهنماءُ پنهنجن پروفيگنڊن ۾ ڪڏهن به ڪامياب ٿي نه سگهندا.پنهنجي هڪ بيان ۾ انهن چيو ته قائد تحريڪ جناب الطاف حسين جي طرفان انتظامي بنيادن تي صوبن جي قيام جي تجويز تي تحريڪ انصاف جي رهنمائن جي طرفان واويلا مچائڻ  ثابت ڪري ڇڏيو آهي ته اهي سنڌ ۽ ان جي حقن  کان محروم عوام سان هرگز به مخلص نه آهن ۽ اهي سياسي طور تي سنڌ جي انهن وڏيرن جا ترجمان بڻيل آهن جن ڪڏهن به سنڌ ڌرتي جي مفاد جي لاءِ ڪوئي به ڪارنامو انجام نه ڏنو آهي پر انهن سنڌ دشمني جا ته کوڙ سارا ڪارناما انجام ڏنا آهن.انهن چيو ته تحريڪ انصاف جي رهنمائن جي طرفان سنڌ جي انتظامي بنيادن تي تقسيم جي مطالبي کي سنڌ جي تقسيم سان تعبير ڪرڻ سراسر سنڌ سان دشمني آهي ۽ سنڌ جي ماڻهن جي وچ ۾ نفرتون ڦيلائڻ جو هڪ مڪروھ عمل به آهي.انهن چيو ته سنڌ جي شهري علائقن جا ماڻهو پنهنجن جائز حقن جي مطالبي کان ڪڏهن به پوئتي نه هٽندا ۽ ڪنهن به ڌمڪي کان نه ڊڄندا.

*