سنڌ جي اهم ادارن جي ڀرتين ۾ ڪراچي جي اردو ڳالهائڻ وارن کي نظر انداز ڪرڻ تنگ نظري آهي. سنڌ اسيمبلي جا حق پرست ميمبرَ.
ڪراچي؛ 18 سيپٽمبر؛2014
سنڌ اسيمبلي جي حق پرست ميمبرن سنڌ جي اهم ادارن جي ڀرتين ۾ ڪراچي سان تعلق رکندڙ اردو ڳالهائڻ وارن تعليم يافته ماڻهن کي نظر انداز ڪرڻ تي وڏي ڳڻتي جو اظهار ڪيو آهي ۽ ان کي ڪراچي جي عوام سان تنگ نظري قرار ڏنو آهي.پنهنجي هڪ گڏيل بيان ۾انهن چيو ته گذريل ڏينهن ۾ سنڌ حڪومت جي طرفان هڪ اهم اداري نيشنل اڪائونٽبلٽي بيورو(نيب) ۾ تقريبن 250 کان وڌيڪ ماڻهن کي ڀرتي ڪيو ويو آهي پر ان ۾ ڪراچي جي اردو ڳالهائڻ وارن تعليم يافته نوجوانن کي مڪمل طور تي نظر انداز ڪري سنڌ جي ٻين علائقن جي ماڻهن کي ڀرتي ڪيو ويو آهي.جيڪو سراسر ميرٽ جو قتل عام آهي.انهن وزير اعظم ميان نواز شريف، گورنر سنڌ ڊاڪٽر عشرت العباد ۽ وزير اعلٰي سنڌ سيد قائم علي شاھ کان مطالبو ڪيو ته اهي پاڪستان جي ترقي ۾ ڪراچي جي عوام جي واضع ڪردار کي مد نظر رکندي شهر جي عوام کي معاشي طور تي غير مستحڪم ڪرڻ ۽ روزگار جي فراهمي ۾ انهن سان ناانصافي ڪرڻ جي عمل کي فوري طور تي روڪرائين.