ڪراچي يونيورسٽي اسلامڪ اسٽڊيز جي ڊين پروفيسر ڊاڪٽر تشڪيل احمد اوج جي وحشياڻي قتل تي ايم ڪيو ايم جي قائد جناب الطاف حسين جي طرفان مذمت جو اظهار.
دهشت گردن پروفيسر ڊاڪٽر تشڪيل احمد اوج کي قتل ڪري قوم کي هڪ ٻئي مذهبي ۽ علمي شخصيت کان محروم ڪري ڇڏيو آهي. قائد تحريڪ جناب الطاف حسين.
لنڊن؛18 سيپٽمبر؛2014
متحده قومي موومينٽ جي قائد جناب الطاف حسين گلشن اقبال ۾ هٿيار بند دهشت گردن جي فائرنگ سان ڪراچي يونيورسٽي جي اسلامڪ اسٽڊيز جي ڊين پروفيسر ڊاڪٽر تشڪيل احمد اوج جي وحشياڻي قتل جي سخت ترين لفظن ۾ مذمت ڪئي آهي ۽ فرمايو آهي ته دهشت گردن پروفيسر کي قتل ڪري قوم کي هڪ ٻئي مذهبي ۽ علمي شخصيت کان محروم ڪري ڇڏيو آهي. پنهنجي هڪ بيان ۾ جناب الطاف حسين فرمايو ته ڪراچي ۾ گذريل ڪيترن ئي مهينن کان دهشت گرد پروفيشنل ماڻهن کي چونڊي چونڊي قتل ڪري رهيا آهن ۽ جڏهن ته فرقي وارانه بنياد تي قتل و غارتگري جو سلسلو به جاري آهي پر ان قتل عام کي روڪڻ جي لاءِ ڪي به قدمَ نه پيا کنياوڃن ۽ ائين محسوس ٿي رهيو آهي ته شهر کي دهشت گردن جي رحم و ڪرم تي ڇڏي ڏنو ويو آهي.انهن فرمايو ته جيڪڏهن ڪراچي آپريشن جي دوران ڏوهاري دهشت گردن جي خلاف ٺوس ڪاروائي ڪئي وڃي ها ته اڄ اها ٽارگيٽ ڪلنگ نه ٿئي ها.انهن چيو ته پروفيسر ڊاڪٽر تشڪيل احمد جي وحشياڻي قتل جي جيتري به مذمت ڪئي وڃي اها گهٽ آهي.انهن فرمايو ته پروفيسر جي قتل تي مون سميت ايم ڪيو ايم جا تمام ڪارڪن اوهان جي ڏک ۾ برابر جا شريڪ آهن. انهن دعا فرمائي ته الله تعالٰي مرحوم کي پنهنجي جوار رحمت ۾ اعلٰي مقام عطا فرمائي ۽ پونئرن کي اهو صدمو برداشت ڪرڻ جو حوصلو عطا فرمائي.آمين.جناب الطاف حسين وزير اعظم ميان نواز شريف، وفاقي وزير داخله چوڌري نثار علي خان،گورنر سنڌ ڊاڪٽر عشرت العباد ۽ وزير اعلٰي سنڌ سيد قائم علي شاھ کان مطالبو ڪيو ته اهي مرحوم پروفيسر جي قتل ۾ ملوث دهشت گردن کي فوري طور تي گرفتار ڪن ۽ انهن کي سخت ترين سزا ڏني وڃي.