متحده قومي موومينٽ جي زير اهتمام شهيد انقلاب ڊاڪٽر عمران فاروق جي چوٿين ورسي انتهائي عقيدت و احترام سان نائن زيرو سميت پوري ملڪ ۾ ايم ڪيو ايم جي آفيسن ۾ ملهائي وئي.

ڪراچي؛16 سيپٽمبر؛2014

            متحده قومي موومينٽ جي زير اهتمام ايم ڪيو ايم جي ڪنوينر شهيد انقلاب ڊاڪٽر عمران فاروق شهيد جي چوٿين ورسي وڏي عقيدت ۽ احترام سان ملهائي وئي.ان سلسلي ۾ مرڪزي پروگرام نائن زيرو تي لعل قلعه گرائونڊ ۾ منعقد ٿيو. جنهن ۾ رابطا ڪميٽي جي ڊپٽي ڪنوينرن، رابطا ڪميٽي ميمبرن، حق پرست وزيرن، سينيٽرن، ايم اين ايز ، ايم پي ايز، ذميوارن ۽ ڪارڪنن وڏي تعداد ۾ شرڪت ڪئي.ان موقعي تي مولانا اسد ديوبندي وڏي خشوع و خضوع سان دعا ڪرائي جنهن ۾شهيد انقلاب ڊاڪٽر عمران فاروق سميت ٻين حق پرست شهيدن جي مغفرت، انهن جي درجات جي بلندي،لاپتا ڪارڪنن جي حفاظت سان واپسي، اسيرن جي رهائي، ايم ڪيو ايم جي ڪاميابي ۽ قائد تحريڪ جناب الطاف حسين جي صحت و تندرستي ۽ وڏي عمر جي لاءِ دعائون ڪيون ويون.ڪراچي کان علاوه اندرون سنڌ جي تمام زونن، پنجاب ،خيبرپختونخواھ ۽ بلوچستان جي تمام زونن ۾ به قرآن خواني ۽ فاتحه خواني ڪئي وئي ۽ ڊاڪٽر عمران فاروق شهيد سميت تمام شهيدن جي لاءِ دعائون ڪيون ويون.ان کان علاوه رابطا ڪميٽي ميمبرن ڊاڪٽر فاروق ستار، عبدالحسيب ۽ ٻين ڊاڪٽر عمران فاروق شهيد جي والد سان گڏجي شهداء قبرستان ۾ ڊاڪٽر عمران فاروق شهيد سميت ٻين شهيدن جي قبرن تي حاضري ڏني ۽ قائد تحريڪ جناب الطاف حسين جي طرفان انهن جي قبرن تي چادر چڙهائي ۽ فاتحه خواني ڪئي.ان کان پوءِ رابطا ڪميٽي ميمبرن ڊاڪٽر فاروق ستار، عبدالحسيب ۽ ٻين ڊاڪٽر عمران فاروق شهيد جي گهر وڃي ڪري انهن جي والدين ۽ ٻين سوگوارن سان قائد تحريڪ جناب الطاف حسين جي طرفان تعزيت ڪئي ۽ شهيد جي بلند درجات جي لاءِ فاتحه خواني ڪئي.