ايم ڪيو ايم جي قائد جناب الطاف حسين پارٽي ۾ اصلاح احوال( سڌاري) جي لاءِ رابطا ڪميٽي پاڪستان ۽ لنڊن جو گڏيل اجلاس منعقد ڪيو ۽ اهم فيصلا ڪيا.

لنڊن؛16 سيپٽمبر؛2014

            متحده قومي موومينٽ جي قائد جناب الطاف حسين پارٽي ۾ اصلاح احوال(سڌاري) جي سلسلي ۾ رابطا ڪميٽي پاڪستان ۽ لنڊن جو هڪ گڏيل اجلاس منعقد ڪيو جنهن ۾ تمام ايم اين ايز،سينيٽرن، ايم پي ايز، وزيرن ۽ عهديدران کي آخري وارننگ ڏني وئي ته اهي ڪارڪنن سان ۽ خصوصن گمنام ڪارڪنن ۽ شهيدن جي پونئرن سان عزت ۽ احترام سان پيش اچن ۽ انهن کي پنهنجو نوڪر نه سمجهن.جناب الطاف حسين هڪ ٻئي فيصلي ۾رابطا ڪميٽي کي هدايت ڪئي ته ڪنهن به جڳھ تي شادي وغيره جي ڪا تقريب هجي ته ان ۾ ڪوئي وزير يا رابطا ڪميٽي جو ميمبر شريڪ نه ٿيندو، بلڪه علائقي جي سيڪٽر جا ذميوار،يونٽ جا ذميوار، علائقي جو ايم اين اي ۽ هڪ ايم پي اي شرڪت ڪندا. اجلاس ۾ هڪ ٻئي فيصلي جي مطابق جناب الطاف حسين رابطا ڪميٽي جي ميمبر ڪنور خالد يونس جي سربراهي ۾ هڪ اسيٽس ڪميٽي تشڪيل ڏني جيڪا پارٽي جي تمام وزيرن، سينيٽرن، ايم اين ايز ، ايم پي ايز ۽ ٻين تنظيمي ذميوارن جي شموليت کان وٺي ڪري اڄ تائين جي تمام اثاثن جون تفصيلات جمع ڪري جناب الطاف حسين کي پيش ڪندي