شهيد انقلاب ڊاڪٽر عمران فاروق شهيد جي قربانين کي ڪڏهن به فراموش ڪري نه ٿو سگهجي.قائد تحريڪ جناب الطاف حسين.

لنڊن؛ 15 سيپٽمبر؛2014

           متحده قومي موومينٽ جي قائد جناب الطاف حسين ايم ڪيو ايم جي شهيد ڪنوينر ۽ شهيد انقلاب ڊاڪٽر عمران فاروق کي انهن جي تنظيمي خدمتن تي زبردست خراج عقيدت پيش ڪندي فرمايو ته شهيد جون قربانيون ڪڏهن به رائيگان نه وينديون ۽ اسان کي ڪامل يقين آهي ته شهيدن جي قربانين جي صدقي اها تحريڪ پنهنجي منزل تي ضرور پهچندي.ڊاڪٽر عمران فاروق شهيد جي چوٿين ورسي جي موقعي تي پنهنجي هڪ بيان ۾ جناب الطاف حسين فرمايو ته حق پرستي جي ان جدوجهد ۾ هزارين ساٿين ثابت قدم رهي ڪري جام شهادت نوش ته فرمائي ورتو پر ڪنهن به باطل قوت جي اڳيان جهڪڻ گوارا نه ڪيو.انهن فرمايو ته حق پرستي جي ان جدوجهد ۾ ظالمن تحريڪ جي سينيئر ساٿي ڊاڪٽر عمران فاروق شهيد کي به اسان کان جدا ڪري ڇڏيو ۽ انهن جي شهادت نه ختم ٿيڻ وارو هڪ اهڙو ڏک آهي جيڪو هميشه تازه رهندو.انهن فرمايو ته شهيد تحريڪ جي ڪارڪنن جي دلين ۾ هميشه زنده رهندو، انهن فرمايو ته تحريڪ جي مخلص ۽ بهادر ڪارڪنن کي گهرجي ته اهي شهيدن جي قربانين کي مشعل راھ بڻائيندي پنهنجي جدوجهد جاري رکن ۽ تمام تر ظلمن جي باوجود پنهنجن  حوصلن کي بلند رکن ۽ جنهن مشن و مقصد جي لاءِ شهيدن پنهنجين جانين جو نذرانو پيش ڪيو آهي  ان کي حاصل ڪري ئي دم وٺن ۽ انشاء الله تعالٰي تحريڪ جي شهيدن جون قربانيون ضرور رنگ لائينديون ۽ حق پرستي جي جدوجهد ڪاميابي سان همڪنار ٿيندي.