ترقي يافته ملڪن ۾ مڪاني نظام ۽ نوان انتظامي يونٽَ عوام کي بنيادي سهولتن جي فراهمي جو باعث بڻجن ٿا.رابطا ڪميٽي ميمبر محمد اشفاق.
جيڪڏهن سنڌ جي حڪومت کي بهتر طور تي هلائڻ جي لاءِ نوان صوبا نه ٺهڻ گهرجن ته رتوڏيرو، نوڏيرو ۽ لاڙڪاڻي جهڙن انهن جي آبائي شهرن جي بربادي جو ڪهڙو سبب آهي؟
پاڪستان پيپلز پارٽي جي سربراھ جي بيان تي رابطا ڪميٽي جي سينيئر ميمبر محمد اشفاق جو تبصرو.
لنڊن؛15 سيپٽمبر؛2014
متحده قومي موومينٽ جي رابطا ڪميٽي جي سينيئر ميمبر محمد اشفاق پاڪستان پيپلز پارٽي جي سربراھ جي ان بيان تي ته اسان صوبي جي تقسيم نه ٿا چاهيون، سوال ڪندي چيو ته جيڪڏهن سنڌ جي نظام حڪومت کي بهتر طور تي هلائڻ جي لاءِ نوان انتظامي يونٽَ(ايڊمنسٽريٽو يونٽس) يا نوان صوبا نه ٺهڻ گهرجن ته رتوڏيرو، نوڏيرو ۽ لاڙڪاڻي جهڙن انهن جي آبائي شهرن جي بربادي جو ڪهڙو سبب آهي؟ انهن چيو ته پي پي جا رهنما انهن شهرن ۾ ترقياتي ڪمن جو جائزو وٺي ڪري پاڻ ٻڌائين ته اتي ترقياتي ڪمن جو نه هجڻ، ٽٽل روڊَ، اسپتالن جي ناقص صورتحال ۽ تعليمي ادارن جي تباهي جو سبب انتظامي يونٽَ نه آهن ته پوءِ ڪهڙو سبب آهي؟ انهن چيو ته سنڌ جا عوام هاڻي باشعور ٿي چڪا آهن ۽ اهي پاڻ بهتر طور تي ڄاڻين ٿا ته پوري دنيا جي ترقي يافته ملڪن ۾ مڪاني نظام ۽ نوان انتطامي يونٽَ عوام جي بنيادي سهولتن جي فراهمي جو باعث بڻجن ٿا.