ایم کیوایم کے قائد الطاف حسین نے ایم کیوایم انٹرنیشنل سیکریٹریٹ کےسابق آفس سیکریٹری اوربزرگ رکن سید کلیم اللہ کی فون پر عیادت کی
کارکنان اورہمدردسید کلیم اللہ صاحب کی صحتیابی کے لئے خصوصی دعاکریں۔ الطاف حسین کی اپیل
لندن …6 مئی 2025ئ
ایم کیوایم کے بانی وقائدجناب الطاف حسین نے آج ایم کیوایم انٹرنیشنل سیکریٹریٹ لندن کے سابق آفس سیکریٹری اوربزرگ رکن سید کلیم اللہ صاحب کی فون پر عیادت کی۔ جناب الطاف حسین نے سید کلیم اللہ صاحب کی خیریت دریافت کی اوران کی جلد صحتیابی کی دعا کی ۔ جناب الطاف حسین نے تمام کارکنوں اور ہمدردوں سے بھی اپیل کی کہ وہ سید کلیم اللہ صاحب کی صحتیابی کے لئے اللہ تعالیٰ کے حضور خصوصی دعاکریں۔ دریں اثناء ایم کیوایم کی رابطہ کمیٹی کے کنوینر مصطفےٰ عزیزآبادی اورسیکریٹریٹ کے ارکان نے بھی سید کلیم اللہ صاحب کی خیریت دریافت کی۔ واضح رہے کہ سید کلیم اللہ صاحب گزشتہ چند روز سے علیل ہیں اور لندن کے مقامی اسپتال میں زیرعلاج ہیں۔
٭٭٭٭٭