ایم کیو ایم کینیڈا کی جانب سے کینیڈاکے تمام بڑے شہروں بشمول ٹورنٹو، کیلگری، مونٹریال، ونڈسر اور ایڈمنٹن میں قائد تحریک الطاف حسین کی سلامتی کے لئے یوم دعااوران کی رہائی پر یوم تشکر کے اجتماعات

ٹورنٹو:ہفتہ، ۷جون ۴۱۰۲ء

ایم کیو ایم کینیڈا کی جانب سے کینیڈاکے تمام بڑے شہروں بشمول ٹورنٹو، کیلگری، مونٹریال، ونڈسر اور ایڈمنٹن میں قائد تحریک الطاف حسین کی سلامتی کے لئے یوم دعااوران کی رہائی پر یوم تشکر کے اجتماعات منعقد کئے گئے۔ ان اجتماعات میں ایم کیوایم کینیڈا کے سینٹرل آرگنائزرآصف قاضی، جوائنٹ آرگنائررمسعود حسن، اراکین سینٹرل کمیٹی، تمام شعبہ جات کے ذمہ داران، چیپٹرانچارجز، کارکنان اور پاکستانی کمیونٹی کی بڑی تعداد نے شرکت کی۔ جی ٹی اے کے اجتماعات سے خطاب کرتے ہوئے جناب آصف قاضی نے کہا کہ قائد تحریک کی ہمت، حوصلہ، ولولہ انگیزبے باک اورنڈر قیادت نے باطل قوتوں اورسازشی عناصر کے تمام ناپاک ارادوں اورسازشوں خاک میں ملادیا۔ الطاف حسین چٹان جیسی مضبوط شخصیت کے حامل ہیں۔ وہ نہ ماضی میں ملکی وبیرونی باطل قوتوں کے آگے جھکے نا ہی آج ان سے سمجھوتہ کیا۔ انہوں نے کہا کہ اگرکوئی لیڈر پاکستان کو دوفیصد مراعت یافتہ طبقے سے نجات دلاسکتا ہے تو وہ صرف اور صرف الطاف حسین ہی ہے جواپنی جان تو دے سکتے ہیں پر سر خم نہیں کرسکتے ۔ انہوں نے کہاکہ دنیابھرکی طرح ایم کیوایم کینیڈاکا ہرکارکن قائدتحریک کے ساتھ وفادار ہے اور انکی قیادت میں ہرقسم کے کٹھن حالات کا مقابلہ کرنے کے لئے ہمہ وقت تیار ہے۔