قائدتحریک جناب الطا ف حسین کی صحت وسلامتی اوردرازی عمرکے لئے درگاہ حضرت خواجہ غریب نوازؒ معین الدین چشتی اجمیرشریف میں خصوصی دعائیں کی گئی

کراچی ۔۔۔6؍جون2014ء

ایم کیوایم کے قائدجناب الطاف حسین سے اظہاریکجہتی کے لئے درگاہ اجمیرشریف میں حضرت خواجہ غریب نوازؒ کے گدی نشین حامدمیاں چشتی کی صاحبزادی محترمہ فرازنہ نے نمائش چورنگی پر ایم کیوایم کے احتجاجی دھرنے میں شرکت کی اورقائدتحریک جناب الطاف حسین سے بھرپوریکجہتی کااظہارکرتے ہوئے ان کی صحت وسلامتی اوردرازی عمرسمیت تمام مشکلات و پریشانیوں اورسازشوں کے خاتمے کے لئے درگاہ حضرت خواجہ غریب نواز ؒ میں براہ راست اجتماعی دعائیں کرائیں۔انہوں نے دھرنے کے شرکاء کومخاطب کرتے ہوئے کہاکہ الطاف بھائی کیلئے خواجہ غریب نواز کی درگاہ سے جو دعا مانگی جارہی ہے تمام حاضرین جب دعا مانگی جائے تو آپ آمین کہیں۔اس موقع پرتمام شرکاء نے دعا میں شرکت کی اورباآوازبلندآمین کہتے رہے۔

*****