قائد تحریک الطاف حسین کو حراست میں لئے جانے اور انکی علالت پر ایم کیوایم یوکے کے دفتر میں دعائیہ اجتماع منعقد کیا گیا

لندن۔۔۔5 جون 2014ء

ایم کیوایم کے قائدجناب الطاف حسین کوحراست میں لئے جانے اوران کی علالت پر لندن میں ایم کیوایم یوکے کے دفترمیں دعائیہ اجتماع منعقد کیاگیاجس میں کارکنان ،نوجوانوں، بزرگوں اورخواتین نے شرکت کی ۔ دعائیہ اجتماع کے شرکاء نے قائدتحریک الطاف حسین کی صحتیابی کیلئے مختلف قرآنی آیات اورکلمات کا ورد کیا۔ بعدازاں جناب الطاف حسین کی صحتیابی و درازی عمر اور مشکلات کے خاتمہ کیلئے دعا کی گئی۔ کارکنان نے جناب الطاف حسین کوحراست میں لئے جانے اور ان کی علالت پر شدیددکھ اورصدمہ میں مبتلا تھے جبکہ بعض کارکنان شدت غم سے آبدیدہ تھے۔اس موقع پر ایم کیوایم یوکے کے آرگنائزرڈاکٹرسلیم دانش نے خطاب کرتے کہا کہ قائدتحریک الطاف حسین ایم کیوایم کے کارکنوں ہی کے لئے نہیں بلکہ کروڑوں عوام کے قائداوران کی امیدوں کامرکزہیں، ہم سب ان کیلئے فکرمندہیں۔انہوں نے مطالبہ کیاکہ قائدتحریک الطاف حسین کوفی الفوررہاکیاجائے۔