جناب الطاف حسین کیلئے جو کچھ ہو سکا وہ کرنے کیلئے تیار ہیں، مشکل وقت میں ساتھ ہیں، بی این پی سینیٹر محترمہ نسیمہ احسان، سابق فنانس وزیر بلوچستان احسان اور عورت فاؤنڈیشن کی روبینہ بروہی کی محترمہ نسرین جلیل سے گفتگو

کراچی ۔۔۔5، جون 2014ء 

بلوچستان نیشنل پارٹی کی سینیٹر محترمہ نسیمہ احسان ، سابق سینیٹر و سابق فنانس وزیر بلوچستان احسان اور عورت فاؤنڈیشن کی روبینہ بروہی نے ایم کیوایم کی رابطہ کمیٹی کی رکن محترمہ نسرین جلیل کو ٹیلی فون کرکے جناب الطاف حسین کو لندن میں حراست میں لئے جانے کے واقعہ پر گہری تشویش کااظہار کیا ۔محترمہ نسرین جلیل سے گفتگو کرتے ہوئے ان کا کہنا تھا کہ جناب الطاف حسین کو لندن میں حراست میں لیکر ان کے کروڑوں چاہنے والے کارکنان و عوام کے جذبات کو نہ صرف مجروح بلکہ ان میں اشتعال پیدا کیا گیا ہے ۔ انہوں نے کہا کہ اس مشکل وقت میں ہم ایم کیوایم کے ساتھ ہیں اور جناب الطاف حسین کیلئے جو کچھ ہو سکا وہ کرنے کیلئے تیار ہیں ۔