سابق وزرائے اعلیٰ سندھ لیاقت جتوئی اور ارباب رحیم کا ایم کیوایم کی رابطہ کمیٹی کے رکن وسیم اختر سے ٹیلی فون پر رابطہ

کراچی ۔۔۔5، جون 2014ء

سابق وزرائے اعلیٰ سندھ لیاقت جتوئی اور ارباب رحیم نے متحدہ قومی موومنٹ کی رابطہ کمیٹی کے رکن وسیم اختر سے ٹیلی فون پر رابطہ کیا اور لندن میں خرابی صحت کے باوجود جناب الطاف حسین کو حراست میں لئے جانے کے واقعہ یکجہتی کااظہار کیا اور ان کی درازی عمر، صحت و تندرستی کیلئے دعائیں کیں ۔سابق وزیراعلیٰ سندھ لیاقت جتوئی اور ارباب رحیم نے اپنی گفتگو میں کہاکہ جناب الطاف حسین کی لندن میں گرفتاری باعث تشویش ہے اور اس پر ایم کیوایم کے کارکنان و عوام میں پایا جانے والا غم وغصہ فطری عمل ہے ۔ انہوں نے کہا کہ جناب الطاف حسین کے معاملے پر ایم کیوایم کے کارکنان و عوام جس دکھ اور صدمے کی کیفیت میں مبتلا ہیں اس کا ہمیں بخوبی اندازہ ہے اور ایم کیوایم نے جناب الطاف حسین کو حراست میں لئے جانے اور ان کے ساتھ غیر منصفانہ سلوک روا رکھے جانے کے خلاف دھرنا دیا ہوا ہے وہ جناب الطاف حسین سے والہانہ عقیدت و محبت کااظہار ہے ۔ رابطہ کمیٹی کے رکن وسیم اختر نے سابق وزرائے اعلیٰ سندھ کا شکریہ ادا کیا اور جناب الطا ف حسین کے لئے ان کے جذبات کو سراہا ۔