قائد جناب الطاف حسین سے اظہارِ یکجہتی کے لئے کراچی سمیت ملک بھرمیں ایم کیوایم کے کارکنان و عوام کی جانب سے دھرنے

کراچی:۔۔)

ایم کیوایم کے قائد جناب الطا ف حسین سے اظہارِ یکجہتی اوربرطانوی پولیس اسکاٹ لینڈیارڈکی جانب سے کوئی مقدمہ درج کئے بغیرمحض تفتش کے لئے خلاف واقعہ جناب الطا ف حسین کی گرفتاری کے خلاف متحدہ قومی موومنٹ کی اپیل پرکراچی میں نمائش چورنگی سمیت ملک بھرمیں اہم شاہراہوں،چوراہوں اورپریس کلبوں کے باہرایم کیوایم کے کارکنان اور مکاتب فکرکے حق پرست عوام کی جانب سے غیرمعینہ مدت کے لئے دھرنوں کاسلسلہ جاری ہے ۔رابطہ کمیٹی کی جانب دھرنوں کی اپیل پرلاکھوں کی تعدادمیں عوام وکارکنان گھروں سے نکل کرریلیوں،ٹولیوں کی شکل میں دھرنے کے مقامات پرپہنچاناشروع ہوگئے۔انتہائی مختصرنوٹس پرجاری دھرنوں میں مائیں،بہنیں،بزرگ،نوجوان،طلبہ وطالبات، معصوم بچوں،بچیوں سمیت تمام شعبہ ہائے زندگی سے تعلق رکھنے والے افراد نے شرکت کی۔احتجاجی دھرنے میں لاکھوں کامجمع ہونے کے باوجودایم کیوایم کاروایتی نظم وضبط دیکھنے میںآیا۔نمائش چورنگی پرایم کیوایم کے احتجاجی دھرنے میں شریک لاکھوں عوام وکارکنان نے ہاتھوں میں پلے کارڈز،احتجاجی بینرز،ایم کیوایم کے پرچم اورقائدتحریک جناب الطاف حسین کی پورٹریٹ نماتصاویراٹھارکھی ہیں ۔اس موقع پردھرنے کے لاکھوں شرکاء کاجوش وجذبہ قابل دیدتھاجوبھوک پیاس کی پرواہ کیے بغیرانتہائی متحداورمنظم اندازمیں قائدتحریک جناب الطا ف حسین کے حق میں فلک شگاف نعرے لگاتے رہے اورہرلمحہ اپنے ہردل عزیز اورمحبوب قائدجناب الطاف حسین سے یکجہتی کابرملااظہارکرتے رہے۔جسے جسے وقت گزرتاگیاعوام وکارکنان کے جوش وجذبے اورتعدادمیں اضافہ ہوتارہاآخری اطلاعات تک نمائش چورنگی کادھرناایم کیوایم جلسے جلوسوں کے تمام ریکارڈتوڑچکاتھا۔کراچی کی طرح صوبہ پنجاب،خیبرپختونخواہ،بلوچستان،سندھ،گلگت بلتستان اورآزادکشمیرمیں لاکھوں کی تعدادمیں حق پرست عوام وکارکنان نے قائدتحریک جناب الطا ف حسین سے اظہاریکجہتی کے لئے دھرنوں کاسلسلہ جاری ہے۔