آج بھی منزلوں پر لگی ہے نظر. ہم خاک نشینوں کی ٹھوکر میں زمانہ ہے حیدرآباد میں’’ فلسفہ محبت ‘‘کے سندھی ترجمہ کی تقریب میں قائد تحریک الطاف حسین نے یہ اشعار پڑھے

لندن 13، اپریل2014ء

متحدہ قومی مومنٹ کے قائد جناب الطا ف حسین نے حید رآباد کے انڈس ہوٹل میں اپنی تصنیف’’ فلسفہ محبت‘‘ کے سندھی ترجمہ کی تقریب رونمائی سے خطاب کرتے ہوئے کہا کہ سندھ کی ترقی وخوشحالی ہوگی تو پاکستان کی ترقی و خوشحالی ہوگی ۔ اس موقع پر انہوں نے یہ اشعار بھی پڑھے ۔

آج بھی منزلوں پر لگی ہے نظر

دل میں رکھتے ہیں عزم سفر آج بھی

دل شکستہ نہ سمجھے زمانہ ہمیں

اپنی ہمت ہے سینہ سپر آج بھی

انہوں نے سندھی عوام کو پکار تے ہوئے کہا ایک دفعہ ایک ہوکر دیکھو پھر ہم دنیا کو بتا سکتے ہیں ، اس پر انہوں نے یہ شعر بھی پڑھا

کیا عشق نے سمجھا ہے کیا عشق نے جانا ہے

ہم خاک نشینوں کی ٹھوکر میں زمانہ ہے

جناب الطاف حسین نے اپنے خطاب کا اختتام ان نعروں سے کیا

پاکستان پائندہ باد ۔۔۔ سندھ زندہ باد ۔۔۔ ہم سب کا اتحاد پائندہ باد