مخیر حضرات نذیر حسین یونیورسٹی کو آباد کریں ، اپنے نام کی فیکلٹی بنائیں اورتختیاں لگائیں ، الطاف حسین کی اپیل

لندن۔۔۔12، اکتوبر2014ء 

متحدہ قومی موومنٹ کے قائد جناب الطاف حسین نے مخیر حضرات سے اپیل کی ہے کہ وہ نذیر حسین یونیورسٹی کو آباد کریں اور اپنے نام کی فیکلٹی بنائیں اور تختیاں لگائیں ۔ فیڈر بی ایریا بلاک4میں نذیر حسین یونیورسٹی کے مزید شعبہ جات کی افتتاحی تقریب کے شرکاء سے خطاب کرتے ہوئے انہوں نے کہاکہ مجھے پیسہ نہیں چاہئے علم چاہئیے ، علم ہوگا تو پاکستان کا آئین اور قانون بھی سچ ہوگا ، عدالتیں ناانصافی نہیں کرسکیں گے ، جج ظلم کرے گا تو پھندا اس کے گلے میں بھی لتکے یا اگر پرویز مشرف کرے اور الطاف حسین کرے اس کے گلے میں بھی لٹکے گا ۔ انہوں نے کہاکہ نذیر حسین یونیورسٹی میں تعلیم بین الاقوامی یونیورسٹیوں کے معیار کے مطابق دی جائے گی اور فیس یہاں کے اسکولوں اور کالجز کے مطابق لی جائے گی ۔