ڈاکٹر خالد مقبول صدیقی اور واسع جلیل نے ایم کیوایم کے شہداء کی یاد میں تعمیر کی گئی یادگارِ شہدائے حق پر حاضری دی اور شہداء کو سیلوٹ پیش کیا

کراچی ۔۔۔9، دسمبر2013ء

متحدہ قومی موومنٹ کی رابطہ کمیٹی کے ڈپٹی کنوینر ڈاکٹر خالدمقبول صدیقی اور رابطہ کمیٹی کے رکن واسع جلیل نے اتوار اور پیر کی درمیان شب 12بجے جناح گراؤنڈ عزیز آباد میں ایم کیوایم کے شہداء کی یاد میں تعمیر کی جانے والی ’’یادگارِ شہدائے حق ‘‘ پر حاضری دی اور شہداء کو سیلوٹ پیش کیا۔ اس موقع پر ایم کیوایم کراچی تنظیمی کمیٹی کے انچارج ڈاکٹر ندیم احسان اور اراکین بھی موجود تھے ۔ رابطہ کمیٹی نے حق پرست شہداء کے بلند درجات کیلئے فاتحہ خوانی کی اور شہداء کو زبردست خراج عقیدت پیش کیا ۔ اس موقع پر ایم کیوایم کراچی تنظیمی کمیٹی نے ڈاکٹر خالد مقبول صدیقی اور واسع جلیل کو ’’یوم شہداء ‘‘ کے موقع پر جاری کئے جانے والا پوسٹر بھی پیش کیا۔