ایم کیوایم کے بانی وقائد جناب الطاف حسین نے پاکستان کی تیزی سےبدلتی ہوئی صورتحال کی روشنی میں کارکنوں کا اہم اجلاس طلب کرلیا
جنرل ورکرزاجلاس کل بروز جمعرات لندن وقت رات 11بجے ہوگا
جناب الطاف حسین کارکنوں کوملک کی تیزی سے بدلتی ہوئی صورتحال کے حوالے سے آگاہ کریں گے
لندن …3 دسمبر2025ئ
ایم کیوایم کے بانی وقائد جناب الطاف حسین نے پاکستان کی تیزی سےبدلتی ہوئی صورتحال کی روشنی میں ایم کیوایم کے کارکنوں کا اہم اجلاس طلب کرلیا ہے۔ جنرل ورکرز اجلاس کل بروز جمعرات مورخہ 4 دسمبر2025ء کو لندن وقت رات 11بجے ہوگا۔ اجلاس میں پاکستان اور اوورسیز یونٹوں کے کارکنان شرکت کریں گے۔ بانی وقائد جناب الطاف حسین کانفرنس کال کے ذریعے اجلاس سے اہم خطاب کریں گے، جناب الطاف حسین کارکنوں کوملک کی تیزی سے بدلتی ہوئی صورتحال کے حوالے سے آگاہ کریں گے اوراس حوالے سے کارکنوں کی رہنمائی کریں گے۔
متحدہ قومی موومنٹ کی رابطہ کمیٹی نے اوورسیزیونٹوں اور پاکستان بھرکے کارکنوں سے کہا ہے کہ وہ اس اہم اجلاس میں ضرور شرکت کریں۔ رابطہ کمیٹی نے پاکستان کےتمام سیکٹروں اورزونوں کے کارکنوں سے خاص طور پر کہا ہے کہ چونکہ یہ اجلاس کل بروز جمعرات لندن وقت رات 11بجےہوگا اوراس وقت پاکستان میں جمعہ کی صبح کے 4 بج رہے ہوں گے لیکن چونکہ یہ اجلاس اہم نوعیت کاہے لہٰذا کارکنوں سے درخواست ہے کہ وہ اجلاس کی اہمیت کے پیش نظر اجلاس میں ضرورشرکت کریں تاکہ انہیں حالات سے مکمل آگاہی حاصل ہوسکے۔
٭٭٭٭٭