صوبہ خیبرپختونخوا کے وزیر اعلیٰ کے انتخاب میں رکاوٹیں کھڑی کرنا اور غیرجمہوری ہتھکنڈے اختیارکرناپشتون عوام اوران کے منتخب نمائندوں کے ساتھ بہت بڑاظلم ہے #CMKPKSohailAfridi ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ صوبہ خیبرپختونخوا میں وزیراعلیٰ کی تبدیلی اورنئے وزیراعلیٰ کا انتخاب ایک آئینی ، قانونی اور جمہوری عمل کاحصہ ہےلیکن اس میں رکاوٹیں کھڑی کی جارہی ہیں اورآمرانہ ہتھکنڈے اختیار کئے جارہے ہیں۔ پہلے وزارت اعلیٰ کےلئے تحریک انصاف کے نامزد امیدوار سہیل آفریدی کے خلاف پروپیگنڈہ شروع کردیا گیا، ان کی جماعت کے خلاف فوج کے ڈی جی آئی ایس پی آر کی جانب سے دھمکی آمیز بیانا ت دیے گئے۔ وزیراعلیٰ علی امین گنڈاپور نے اپنے ہاتھ سے لکھ کراستعفیٰ دیا لیکن ان کااستعفیٰ فوری منظورنہیں کیا گیا، سننے میں یہ بھی آیا کہ اپوزیشن ہائیکورٹ میں پٹیشن دائرکرےگی کہ جب تک وزیراعلیٰ کااستعفیٰ منظورنہیں ہوتا، اس وقت تک نئے وزیراعلیٰ کا انتخاب روکا جائے اوراس پر اسٹے آرڈر دیا جائے۔اب گورنرخیبر پختونخوا نے وزیراعلیٰ علی امین گنڈا پورکےہاتھ سے لکھے ہوئے استعفے پر اعتراضات لگادیےہیں کہ علی امین گنڈا پورکو ذاتی طور پر آکر اپنے استعفے کی تصدیق کرنی ہوگی۔ گورنرنے معاملے کوٹالنےکے لئےکہاہے کہ وہ فی الحال شہرسے باہر ہیں،15 اکتوبر کوواپس آئیں گے، پھر علی امین گنڈا پورکوتصدیق کے لئے بلائیں گے۔ معاملہ اسلئے ٹالاجارہا ہے تاکہ وزیراعلیٰ کے انتخاب کے سلسلے میں جوڑتوڑ کی جائے اورکوئی نیا گروپ بنایا جائے۔ یہ اس کوشش میں صوبے میں گورنرراج بھی لگا سکتے ہیں۔ میں سمجھتا ہوں کہ اگرگورنروزیراعلیٰ استعفیٰ منظورنہیں کرتا تو یہ ان کی بددیانتی، بے ایمانی اور دھوکے بازی ہے۔ وزرات اعلیٰ کے انتخاب میں رکاوٹیں کھڑی کرنااورغیرجمہوری ہتھکنڈے اختیارکرنا پشتون عوام اوران کے منتخب نمائندوں کے ساتھ بہت بڑاظلم ہے۔ میں فوج کے اعلیٰ حکام سے کہتاہوں کہ پشتونوں کواپنی خواہشات اورامنگوں کے مطابق جینے کاحق دیا جائے، انہیں اپنی پسند کے امیدوار کوصوبے کاوزیراعلیٰ بنانے دیا جائے، وزیراعلیٰ کا انتخاب ہونے دیا جائے، پختونخوا اسمبلی کے ارکان کی اکثریت جسے منتخب کرے اس کی کامیابی کوآپ تسلیم کریں،اپوزیشن بھی تسلیم کرے، سب تسلیم کریں، اسی میں سب کی بہتری ہے اورسب کی بقاء ہے۔ میں خیبرپختونخوا کے پشتون عوام سے بھی کہتاہوں کہ اگرانہیں ان کی خواہشات اور امنگوں کے مطابق وزیراعلیٰ چننے کاحق نہیں دیا جاتا توانہیں چاہیے کہ وہ اپنے جائزحق کے لئے پرامن طور پراحتجاج کرتے ہوئے پہیہ جام کردیں اوراپنے جائزمطالبے کی منظوری تک پہیہ جام رکھیں۔ الطاف حسین ٹک ٹاک پر 329 ویں فکری نشست سے خطاب 12 اکتوبر 2025ء

12/20/2025 2:59:59 AM

صرف جنرل فیض حمیدکو سزادینا ادھوراانصاف ہے ... 14 Dec 2025	میں نے کبھی یہ درس نہیں دیا کہ لائسنس یافتہ اسلحہ حاصل کرکے کسی کی آب... 14 Dec 2025
سانحہ قصبہ علیگڑھ کے شہداء کو خراج عقیدت ... 14 Dec 2025	ٓٓٓآسٹریلیا کے شہرسڈنی میں ہونے والا فائرنگ کاواقعہ انتہائی قابل مذمت... 14 Dec 2025
فیض حمید کے سہولت کاروں، معاونت اور مدد کرنے اوران کے احکامات پر عمل ... 13 Dec 2025	ایم کیوایم کےبانی وقائدجناب الطاف حسین نے ایم کیوایم کے رہنماؤں نثار پ... 12 Dec 2025
لوگوں کوشہیدوں کےلئے فاتحہ خوانی سے روکنااورقبرستان پر تالے ڈال دینا ... 10 Dec 2025	شہیدوں کے لواحقین کو یادگارشہداء اور شہداء قبرستان جانے تک کی اجازت ن... 09 Dec 2025
یوم شہدا کے موقع پر ایم کیوایم امریکہ کی جانب سے خصوصی ترا نہ ”شہیدوں ... 08 Dec 2025	صرف الطاف حسین ہی کے لئے نہیں بلکہ عمران خان کے لئے بھی اپنے بڑے پن کا... 07 Dec 2025