ماہ ربیع الاوّل کاپیغام احترام انسانیت ہے

Posted on: 9/8/2025 1

ماہ ربیع الاوّل کاپیغام احترام انسانیت ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔ #جشن_عید_میلاد_النبیﷺ ماہ ربیع الاوّل کاپیغام احترام انسانیت ہے اور ہمیں مذہب یافقہ کی بنیاد پر کسی بھی انسان سے نفرت نہیں کرنا چاہیے اورکسی کونقصان نہیں پہنچاناچاہیے۔ اس حوالے سے قرآن مجید کی سورہ الکافرون میں اللہ تعالیٰ نے واضح الفاظ میں فرمادیاہے کہ '' لکم دینکم ولی الدین '' یعنی میرادین میرے لئے ،تمہارادین تمہارے لئے ''۔ اللہ نے اس آیت میں بتادیاہے کہ آپ اس پر نہ جائیےکہ کس کادین کیا ہے، آپ اپنے مذہب کی بات کیجئے اورنفرت یاتشدد کے بجائے دلائل سے اپنے دین کاپیغا م دیجئے لیکن کسی سے نفرت نہ کیجئے۔ اللہ تعالیٰ نے قرآن مجید میں نبی آخرالزماں حضرت محمدمصطفےٰ ۖ کے بارے میں فرمایاکہ '' ہم نے تمہیں تمام جہانوں کے لئے رحمت بناکربھیجا ''۔ تمام جہانوں میں صرف مسلمان ہی نہیں بلکہ تمام ہی مذاہب کے ماننے والے شامل ہیں اوروہ لوگ بھی شامل ہیں جو لامذہب ہیں۔ نبی کریم ۖ صرف مسلمانوں کے رسول نہیں بلکہ سب کے رسول ہیں،ان کی ہستی سب کےلئے رحمت ہے۔ نبی کریم تو اس یہودی عورت کی بھی عیادت کے لئے پہنچ گئے جوآپ ۖ پر روزانہ کچراپھینکتی تھی، آپ نے اس بھی نفرت نہیں کی بلکہ اس کے ساتھ شفقت اورحسن سلوک کامظاہرہ کیاجس سے متاثر ہوکروہ یہودی عورت آپ پر ایمان لے آئی لیکن افسوس کہ ہم اسی رسول ۖ کانام لیکر عیسائیوں، ہندوؤں اوردیگرغیرمسلموں پر توہین مذہب کاالزام لگاکرانہیں بیدری سے قتل کردیتے ہیں،ان کے گھروں پر حملے کرکے ان کے گھروں، ان کی عبادت گاہوں اور بستیوں کوآگ لگادیتے ہیں اوراس عمل کو رسول سے محبت قراردیتے ہیں۔ یہ عمل نبی آخرالزماں ۖ سے محبت نہیں بلکہ ان کی تعلیمات کے برعکس ہے اورحضورۖ کی توہین ہے۔عشق رسول ۖ کاتقاضہ ہے کہ نبی اکرمۖ کی سیرت پر عمل کیاجائے، کسی سے نفرت نہ کی جائے ۔ ایمان مفصّل بھی یہی کہتاہے اور12 ربیع الاوّل کاپیغام بھی یہی ہےکہ تمام صرف اپنے مذہب کاہی احترام نہ کرو بلکہ تمام انبیائے کرام، ان پر نازل کی گئی کتابوں پر بھی ایمان لائیں، ان کااحترام کریں۔ رسولِ اکرم ۖ کی سیرت ہم سے تقاضہ کرتی ہے کہ ہم تمام مذاہب کے ماننے والوں کا احترام کریں، کسی کو توہین مذہب کاالزام لگاکرقتل نہ کریں، کسی کی جان ومال کو نقصان نہ پہنچائیں، کسی سے نفرت نہ کریں ، مشکل وقت میں ہرایک کی مدد کریں، یہ دیکھے بغیرکہ اس کامذہب، فقہ یاعقیدہ کیاہے۔یہی رسول اکرم ۖ کاپیغام ہے، یہی نبی ۖ کی سیرت ہے، یہی انسانیت ہے، دنیامیں سب سے بڑامذہب ہی انسانیت ہے۔ ہمیں مذہبی بننےکے بجائے انسانیت کااحترام کرنے والا انسان بنناچاہیےاورنفرت کادرس دینے والے مذہبی انتہاپسندوں کی باتوں میں نہیں آنا چاہیے۔ ہمیں حقوق العباد کاخیال رکھنا چاہیے کیونکہ اللہ تعالیٰ، حقوق اللہ تومعاف کرسکتاہے، حقوق العباد معاف نہیں کرسکتا۔ خدا ہمیں ربیع الاوّل کے پیغام کوسمجھنے، نبی کریم ۖ کی سیرت طیبہ پر عمل کرنے اور ایک بہتر انسان بننے کی توفیق عطافرمائے۔ آمین الطاف حسین ربیع الاوّل کے حوالے سے فکری نشست 312 سے خطاب 7ستمبر 2025ء youtu.be/e1h-L2vjilA?si

12/5/2025 4:18:42 PM

ایم کیوایم کے بانی وقائد جناب الطاف حسین نے پاکستان کی تیزی سےبدلتی ہ... 03 Dec 2025	اس سال میں بہت کچھ ہواہے اورمیں کہہ رہا ہوں کہ مستقبل قریب میں بھی بہت... 03 Dec 2025
ایم کیوایم کی کوآرڈی نیشن کمیٹی کے ارکان کا معصوم ابراہیم کے سوگوارلوا... 02 Dec 2025	متحدہ قومی موومنٹ کے سینئرارکان مطلوب زیدی ، یوسف سعید اورکاشف زیدی کو... 02 Dec 2025
1973ء کاآئین مکمل طورپر مسخ کیاجاچکاہے،کیااب اس بات کی ضرورت نہیں ہے ک... 02 Dec 2025	وزیراعلیٰ سندھ کو معلوم ہوناچاہیے کہ برصغیرکی تقسیم سے قبل سندھ بمبئی ... 02 Dec 2025
پیپلزپارٹی کی کراچی دشمن پالیسیوں کی وجہ سے کراچی کو علیحدہ صوبہ بنانے... 01 Dec 2025	کراچی میں نیپاچورنگی کے علاقے میں کھلے مین ہول میں تین سالہ بچے ابراہی... 01 Dec 2025
فوج کے جرنیلوں اور کورکمانڈروں سے درخواست ہےکہ سندھ سیکریٹریٹ کادورہ ک... 30 Nov 2025	انڈین ٹی وی چینل کو انٹرویو د ینے سےمحترمہ نورین نیازی غدار اورملک د... 30 Nov 2025