ایم کیوایم شعبہ خواتین کراچی کی باجیوں نے تحریک کودرپیش مالی مشکلات کے حل کے لئے کی جانے والی کوششوں میں خود بھی اپنا حصہ ڈالتے ہوئے اپنی محنت ومشقت سے کمائی جمع کرکے قا ئدتحریک جناب الطاف حسین کو اپنے عطیات پہنچائے ہیں۔ یہ عطیات مجموعی طورپر70ہزار پاکستانی روپے ہیں جو تقریباً 182برطانوی پاؤنڈ بنتے ہیں۔
یہ عطیات رابطہ کمیٹی کے سابق رکن اورشعبہ خواتین کے نگران ارشدحسین نے گزشتہ روزاتوار 20جولائی 2025ء کو لندن کے اسپتال میں بانی وقائدجناب الطاف حسین کی عیادت کرتے ہوئے انہیں پیش کئے ۔ ارشدحسین نے شعبہ خواتین کی تمام کارکنوں کی جانب سے بھی قائدتحریک کی خیریت دریافت کی اور انہیں تمام باجیوں کے جذبات سے آگاہ کیا۔ جناب الطاف حسین نے شعبہ خواتین کی تمام ارکان کے جذبات کوسراہتے ہوئے کہاکہ میری بہنوں کے یہ 70ہزار روپے میری نظر میں اربوں کھربوں روپے سے زیادہ ہیں جو میرے لئے انتہائی اہمیت رکھنے والی رقم ہے۔ جناب الطاف حسین نے تمام بہنوں کی صحت و تندرستی، ان کے رزق میں برکت اورمالی کشادگی اورتحریک کی کامیابی کے لئے بھی دعائیں کیں ۔
لندن
21جولائی 2025ء