بلاول زرداری نےبلوچوں کودہشت گردقراردیکر پوری بلوچ قوم کی توہین کی ہے..الطاف حسین۔۔

Posted on: 4/5/2025 1

بلاول زرداری نےبلوچوں کودہشت گردقراردیکر پوری بلوچ قوم کی توہین کی ہے..الطاف حسین ۔۔۔۔۔۔۔۔۔۔۔۔۔۔۔۔ پیپلزپارٹی کےچیئرمین بلاول بھٹوزرداری نےگڑھی خدابخش میں ذوالفقارعلی بھٹوکی برسی کےموقع پر اپنی تقریرمیں بلوچ حقوق کی جدوجہد کودہشت گردی سے تعبیرکرکےاوربلوچوں کودہشت گردقراردیکرپوری بلوچ قوم کی توہین کی ہےجوانتہائی قابل مذمت اورشرمناک ہے۔بلاول بھٹوکویہ کلمات اداکرتے ہوئےشرم آنی چاہیے۔بلاول بھٹونے بلوچوں کے خلاف یہ شرمناک بات کرکے دراصل اسٹیبلشمنٹ کوخوش کرنےکی کوشش کی ہےتاکہ اسےآئندہ اقتدارمل سکے۔بلاول کےناناذوالفقارعلی بھٹونے بھی جرنیلوں کوخوش کرنےکےلئے بہت کچھ کیا،جرنیلوں کی آغوش میں سیاسی پرورش پائی،وہ پاکستان کےپہلے ڈکٹیٹر جنرل ایوب خان کوڈیڈی کہاکرتےتھے،جنرل ایوب خان کی کابینہ میں شامل رہے،اسکےبعد جنرل یحییٰ خان کےساتھ رہے،جنرل یحییٰ کی آشیربادسے پیپلزپارٹی تشکیل دی،بھٹونے1970ءکےالیکشن میں اس وقت کی اسٹیبلشمنٹ کی پالیسی کےتحت انتخابات میں بھاری اکثریت سےکامیابی حاصل کرنےوالی عوامی لیگ کواقتدارمنتقل نہیں کیابلکہ ''اِدھرہم اُدھر تم'' کانعرہ لگایااور بنگالیوں کواقتداردینےکےبجائےان کےخلاف فوجی آپریشن کی کھل کرحمایت کی جس کےدوران لاکھوں بنگالیوں کاقتل عام کیاگیااورلاکھوں بنگالی بہنوں بیٹیوں کی عصمت دری کی گئی اور ان مظالم کے نتیجےمیں پاکستان دولخت ہوگیا۔سانحہ مشرقی پاکستان کےذمہ دار جہاں جنرل یحییٰ خان اوراس وقت کے دیگرکرپٹ فوجی جرنیل تھے وہیں بلاول بھٹوکے نانا ذوالفقارعلی بھٹوبھی اس کے پوری طرح ذمہ دارہیں۔ بلاول بھٹو شاید یہ بھول گئےکہ کرپٹ جرنیلوں کےبوٹ پالش کرنےکےباوجود بھٹوکوکس نے پھانسی دی،بلاول کے ماموں شاہنوازبھٹواورمیرمرتضیٰ بھٹوکوکس نےقتل کیا،بلاول کی والدہ محترمہ بینظیربھٹو کوکس نےشہید کیا۔بلاول کیامحض اقتدارحاصل کرنےکےلئےاپنےنانا،اپنی ماں اوراپنے ماموں کاخون بھول گئے؟بلاول اقتدار حاصل کرکےاورکتنے محلات بنالیں گے؟ اگرمزیدمحلات بنالیں گےتوکیاوہ ان محلات اوردولت وجائیداد کوقبرمیں لیکرجائیں گے؟بلاول کی حکومت ِبلوچستان پہلےہی مظلوم بلوچوں پرظلم وستم ڈھارہی ہےاوروہ بلوچوں سے شرمندگی کااظہارکرنےکےبجائےانہیں دہشت گردکہہ رہےہیں جوقابل مذمت ہے۔ میں یہ ثابت کرسکتاہوں کہ اصل دہشت گرد پیپلزپارٹی ہے جس کی دہشت گردی پاکستان کی تاریخ کے ریکارڈپر موجودہے۔ بلوچ قوم کی بیٹی ماہ رنگ بلوچ نے دیگرخواتین کےساتھ اپنے لاپتہ پیاروں کی بازیابی کےلئے میدان عمل میں آکراحتجاج کیاتوانہیں گرفتارکرلیاگیا،اس ظلم پر بلوچستان نیشنل پارٹی کے سربراہ سرداراختر مینگل نے پرامن لانگ مارچ نکالاہے توان کو حکومتی مظالم کانشانہ بنایاجارہاہے۔ یہ امرانتہائی افسوسناک ہےکہ مظلوم بلوچوں کےزخموں پرمرہم رکھنےکےبجائےاوران سےہمدردی کااظہارکرنے کےبجائے گزشتہ روز پنجاب کےشہر گوجرانوالہ میں سرداراخترمینگل اورماہ رنگ بلوچ کےخلاف احتجاجی مظاہر ہ کیاگیااورانہیں دہشت گردکہاگیا۔ میں پوچھتاہوں کہ کیاسرداراخترمینگل نےکسی پر کوئی گولی چلائی ؟ کہیں کوئی دہشت گردی کی ؟ کسی پر کوئی خودکش حملہ کیابلکہ بلوچ خواتین کی گرفتاری کے خلاف آئینی وقانونی جدوجہد کرنے پراخترمینگل پرخودکش حملہ کیاگیا،ان کےلوگوں پر فائرنگ کی گئی۔سرداراختر مینگل نے توپاکستان کےجغرافیے میں رہتے ہوئے حقوق کی بات کی ہے۔ کیاماہ رنگ بلوچ نے کسی پر کوئی بندوق تانی تھی؟ انہو ں نے کونسی دہشت گردی کی ہے ؟ ماہ رنگ بلوچ نے تولاپتہ بلوچوں کی بازیابی کے لئے پرامن انداز میں احتجاج کیاتھا۔ کیااہل پنجاب کی نظرمیں لوگوں کوگرفتارکرکے مہینوں ،برسوں لاپتہ کردیناایک انسانی مسئلہ نہیں ہے؟ صدرپاکستان اوروزیراعظم جواب دیں کہ پولیس، رینجرز،ایف سی یاکسی بھی سیکوریٹی ادارے کوکس قانون کےتحت یہ اختیارحاصل ہےکہ وہ کسی بھی شہری کوبغیروارنٹ گرفتارکرکے اسے عدالت میں پیش کرنے کے بجائے لاپتہ کردیں؟ بڑی تعدادمیں بلوچ لاپتہ ہیں، ایم کیوایم کے متعددکارکنان آج بھی لاپتہ ہیں، حتیٰ کہ بہت سے ایم کیوایم کے کارکنان جنہیں 1992ء کے آپریشن کے دوران گرفتارکرکے لاپتہ کیاگیاتھاوہ بھی آج تک لاپتہ ہیں، کیایہ ظلم نہیں ہے؟ میں پنجاب کے لوگوں سے پھر کہتاہوں کہ خدارا وہ ایسا طرز عمل نہ اپنائیں جو انہوں نے 1971میں اپنایاتھا، خدارابلوچوں کودہشت گردکہنے کے بجائےان کے زخموں پر مرہم رکھیں،ان سےہمدردی اوریکجہتی کااظہارکریں۔ میں بلوچستان نیشنل پارٹی کے سربراہ سرداراخترمینگل کے پرامن احتجاج کی حمایت کرتاہوں اور حکومت سے مطالبہ کرتاہوں کہ وہ اخترمینگل کے جائزمطالبات کوتسلیم کرے اورماہ رنگ بلوچ سمیت تمام بلوچ بیٹیوں اوردیگرگرفتارشدگان کورہاکرےاورلاپتہ بلوچوں کوبازیاب کرے۔ الطاف حسین فکری نشست نمبر235 سے خطاب

@sakhtarmengal

@drmaharang

youtu.be/vOxpOANYNTU?fe

12/8/2025 7:06:08 PM

ایم کیوایم کے بانی وقائد جناب الطاف حسین نے پاکستان کی تیزی سےبدلتی ہ... 03 Dec 2025	اس سال میں بہت کچھ ہواہے اورمیں کہہ رہا ہوں کہ مستقبل قریب میں بھی بہت... 03 Dec 2025
ایم کیوایم کی کوآرڈی نیشن کمیٹی کے ارکان کا معصوم ابراہیم کے سوگوارلوا... 02 Dec 2025	متحدہ قومی موومنٹ کے سینئرارکان مطلوب زیدی ، یوسف سعید اورکاشف زیدی کو... 02 Dec 2025
1973ء کاآئین مکمل طورپر مسخ کیاجاچکاہے،کیااب اس بات کی ضرورت نہیں ہے ک... 02 Dec 2025	وزیراعلیٰ سندھ کو معلوم ہوناچاہیے کہ برصغیرکی تقسیم سے قبل سندھ بمبئی ... 02 Dec 2025
پیپلزپارٹی کی کراچی دشمن پالیسیوں کی وجہ سے کراچی کو علیحدہ صوبہ بنانے... 01 Dec 2025	کراچی میں نیپاچورنگی کے علاقے میں کھلے مین ہول میں تین سالہ بچے ابراہی... 01 Dec 2025
فوج کے جرنیلوں اور کورکمانڈروں سے درخواست ہےکہ سندھ سیکریٹریٹ کادورہ ک... 30 Nov 2025	انڈین ٹی وی چینل کو انٹرویو د ینے سےمحترمہ نورین نیازی غدار اورملک د... 30 Nov 2025