شہیدانقلاب ڈاکٹر عمران فاروق کی والدہ محترمہ رئیسہ فاروق کو
عزیزآباد کے شہدا قبرستان میں سپردخاک کردیاگیا
مرحومہ کے جنازے میں ایم کیوایم کے وفاپرست رہنماؤں مومن خان مومن، آفتاب بقائی، نثارپنہور،ادریس علوی ایڈوکیٹ، جوہر عابد ایڈوکیٹ، انورخان ترین، رحمت ایڈوکیٹ، وفاپرست امیدواروں اورکارکنوں نے بڑی تعداد میں شرکت کی
ایم کیوایم کے رہنماؤں کی ڈاکٹرعمران فاروق شہید کی ہمشیرہ اور دیگر اہل خانہ سے ملاقات ۔ قائد تحریک الطاف حسین کی جانب سے تعزیت کی
ایم کیوایم کے رہنماؤں نے قائدتحریک کی جانب سے مرحومہ کی قبرپر پھول چڑھائے ،ڈاکٹر عمران فاروق شہید کی قبرپر بھی فاتحہ خوانی
لندن…18 جنوری 2025ئ
ایم کیوایم کے سابق کنوینر شہیدانقلاب ڈاکٹر عمران فاروق کی والدہ محترمہ رئیسہ فاروق کوآج عزیزآباد کے شہداقبرستان میں ڈاکٹرعمران فاروق شہیدکے پہلو میں سپردخاک کردیاگیا۔ مرحومہ کی نماز جنازہ شریف آباد کی مسجدالصفا میں اداکی گئی ۔ مرحومہ کے جنازے میں ایم کیوایم کے وفاپرست رہنماؤں مومن خان مومن، آفتاب بقائی، نثارپنہور،ادریس علوی ایڈوکیٹ، جوہرعابدایڈوکیٹ، انورخان ترین، رحمت ایڈوکیٹ، وفاپرست امیدواروں اورکارکنوںنے بڑی تعداد میں شرکت کی ۔ ایم کیوایم کے رہنماؤں نے ڈاکٹرعمران فاروق شہید کی ہمشیرہ محترمہ نرگس اوردیگراہل خانہ سے ملاقات کی اوربانی وقائدجناب الطاف حسین کی جانب سے دلی تعزیت اورافسوس کااظہارکیاہے اورکہاکہ قائدتحریک جناب الطاف حسین اوران کے تمام کارکنان ، مائیں ،بہنیں، بزرگ اورعوام دکھ کی اس گھڑی میں ان کے ساتھ ہیں۔تدفین کے بعد ایم کیوایم کے رہنماؤں، وفاپرست امیدواروں اور کارکنوںنے مرحومہ کی قبرپر قائدتحریک جناب الطاف حسین کی جانب سے پھول چڑھائے اورمرحومہ کے ایصال ثواب کے لئے فاتحہ خوانی کی ۔ انہوں نے ڈاکٹر عمران فاروق شہید کی قبرپر بھی فاتحہ خوانی کی ۔
٭٭٭٭٭