ایم کیوایم کاکیس لڑنے والی برطانیہ کی ممتازفرم CM Atif & Co
کے روح رواں اورسینئر Solicitor چوہدری محمدعاطف اوران کے صاحبزادے سلمان عاطف کو پراپرٹی کیس میں کامیابی پر ایم کیوایم کے بانی وقائدجناب الطاف حسین کی زبردست مبارکباد
جن کے مقدمات پیچیدہ نوعیت کے ہوں، وہ چوہدری محمدعاطف کی فرم CM Atif & Co سے رجوع کریں. الطاف حسین
لندن…19، جولائی2024ئ
ایم کیوایم کے بانی وقائدجناب الطاف حسین نے پراپرٹی کیس میں ایم کیوایم کاکیس لڑنے والی برطانیہ کی ممتازفرم CM Atif & Co کے روح رواں اورسینئر Solicitor چوہدری محمدعاطف اوران کے صاحبزادے سلمان عاطف کو پراپرٹی کیس میں کامیابی پر انہیں زبردست مبارکباد پیش کی ہے اورانہیں بہت سراہاہے ۔ گزشتہ روز اپنی پریس کانفرنس میں جناب الطاف حسین نے کہاکہ چوہدری محمدعاطف صاحب نے اس کیس کے سلسلے میں ا پنے تجریہ کابھرپوراستعمال کیا، اسی طرح ان کے صاحبزادے سلمان عاطف نے بھی اپنے والد کی رہنمائی میں اس کیس کی تیاری میں دن رات محنت کی جس پر میں چوہدری محمدعاطف صاحب اور سلمان عاطف کوبہت بہت مبارکباد پیش کرتاہوں اوررابطہ کمیٹی اورپوری ایم کیوایم کی جانب سے ان کوخراج تحسین پیش کرتاہوں۔ جناب الطاف حسین نے کہاکہ چوہدری محمدعاطف ایک بزرگ اورانتہائی سینئر سولیسیٹرہیں، جن لوگوں کے مقدمات پیچیدہ نوعیت کے ہوں، میں ان سے یہی کہوں گا کہ وہ اپنے مقدمے کے سلسلے میں چوہدری محمدعاطف صاحب کی فرم CM Atif & Co سے رجوع کریں۔
٭٭٭٭٭