اے پی ایم ایس او کا 46 واں یوم تاسیس منگل 11جون کوروایتی جوش وجذبے سے منایا جائے گا
یوم تاسیس کے سلسلے میں پاکستان او ر اوور سیز یونٹوں میں مختلف تقریبات منعقد کی جائیں گی
10جون کورات 12بجے پاکستان اوراوورسیز یونٹو ں کے کارکنان بانی تحریک جناب الطاف حسین سے تجدید
عہد ِ وفاکریں گے
لندن…9 جون 2024ئ
آل پاکستان متحدہ اسٹوڈینٹس آرگنائزیشن (اے پی ایم ایس او) کا 46 واں یوم تاسیس منگل 11جون کوروایتی جوش وجذبے سے منایاجائے گا۔اس سلسلے میں پاکستان او ر اوور سیز یونٹوں میں یوم تاسیس کی مختلف تقریبات منعقد کی جائیں گی اورجدوجہد جاری رکھنے کے عزم کااظہار کیا جائے گا۔ اس سلسلے میں روایتی طورپر 10جون کورات کے بجتے ہی پاکستان اوراوورسیز یونٹو ں کے کارکنان اے پی ایم ایس او کے بانی وقائد تحریک جناب الطاف حسین سے تجدیدعہد ِ وفاکریں گے۔ یوم تاسیس کے حوالے سے اوورسیز یونٹوں نے اپنے اپنے مختلف پروگرام ترتیب دیے ہیں۔ منگل 11جون کوایم کیوایم یوکے کارکنان انٹرنیشنل سیکریٹریٹ میں جمع ہوکربانی وقائد تحریک جناب الطاف حسین کوAPMSOکے 46 ویں یوم تاسیس کی مبارکباد پیش کریں گے۔ ایم کیوایم برطانیہ کے زیراہتمام ہفتہ 29جون کو لندن میں APMSOکے 46 ویں یوم تاسیس کااجتماع منعقد کیا جائے گا۔
یادر ہے کہ جناب الطاف حسین نے مہاجروں کے حقوق کے لئے 11جون 1978ء کو کراچی یونیورسٹی میں APMSO قائم کی تھی جس نے ان کی قیادت میں ایم کیوایم جیسی بڑی عوامی جماعت کوجنم دیا۔
٭٭٭٭٭