ایم کیوایم کے بانی وقائد جناب الطاف حسین کی جانب سے تمام اہل وطن کو رمضان المبارک کی مبارکباد

لندن … 11 مارچ 2024ئ

ایم کیوایم کے بانی وقائد جناب الطاف حسین نے تمام اہل وطن کو رمضان المبارک کی مبارکباد پیش کی ہے ۔ اپنے بیان میں جناب الطاف حسین نے کہاکہ رمضان المبارک صرف روزے رکھنے کاہی مہینہ نہیں بلکہ یہ تزکیہ نفس کرنے کے ساتھ ساتھ غربت ، تنگدستی اورفاقہ کشی کی زندگی گزارنے والے غریبوںاورمستحقین کی بھوک وپیاس اورفاقوں کادرد محسوس کرنے اوران مستحقین کی مدد کرنے کابھی درس دیتا ہے اسی لئے رمضان المبارک کے مہینے میں زکوٰة اداکرنے کابھی حکم دیا گیا ہے ۔ جناب الطاف حسین نے کہاکہ ہمیں اپنی عبادات کے ساتھ ساتھ غریبوں اور ناداروں کی بھی ہرممکنہ مددکرنی چاہیے ۔ جناب الطاف حسین نے دعاکی کہ اللہ تعالیٰ رمضان المبارک کے اس بابرکت مہینے میں پاکستان اوراس کے عوام پر اپنارحم وکرم نازل فرمائے اورپریشان حال لوگوں کی مشکلات دورفرمائے۔