ایم کیوایم کے بانی وقائد جناب الطاف حسین کل بروزہفتہ
یوم شہدا کے موقع پراہم خطاب کریںگے
جناب الطاف حسین کا خطاب لندن وقت شام 4بجے اور پاکستان وقت رات 9بجے ہوگا
ایم کیوایم کے زیراہتمام یوم شہدا انتہائی عقیدت واحترام سے منایا جائے گا۔ شہداء کیلئے قرآن خوانی وفاتحہ خوانی کی جائیگی
لندن … 8 دسمبر 2023ئ
ایم کیوایم کی رابطہ کمیٹی نے اعلان کیاہے کہ تحریکی جدوجہدمیں اپنی جانوں کانذرانہ پیش کرنے والے شہدا کو خراج عقیدت پیش کرنے کیلئے کل بروز ہفتہ یوم شہدا انتہائی عقیدت واحترام سے منایاجائے گا۔ ایم کیوایم کے بانی وقائد جناب الطاف حسین یوم شہدا کے موقع پراہم خطاب کریںگے۔ قائد کایہ خطاب لندن وقت شام 4بجے اور پاکستان وقت رات 9بجے ہوگا جوسوشل میڈیاکے ذریعے براہ راست نشر کیاجائے گا۔ اپنے بیان میں رابطہ کمیٹی نے کارکنوں اور ہمدردوںسے کہاکہ وہ شہیدوںکوایصال ثواب پہنچانے کیلئے قرآن خوانی وفاتحہ خوانی کریں اورانہیں خراج عقیدت پیش کریں۔ رابطہ کمیٹی نے شہداء کے لواحقین سے کہا کہ وہ اپنے اپنے شہداء کی قبروں پرجاکرفاتحہ خوانی کریں اور اگرانہیں انتظامیہ کی جانب سے زبردستی روکا جائے تووہ کسی قسم کی مزاحمت نہ کریں اورواپس آجائیں ۔ رابطہ کمیٹی نے اوورسیز یونٹوں سے بھی کہاکہ وہ یوم شہداکے سلسلے میں قرآن خوانی وفاتحہ خوانی کریں۔
٭٭٭٭٭