ایم کیوایم کی رابطہ کمیٹی کے سابق رکن آصف صدیقی مرحوم کے ایصال ثواب
کے لئے لندن میں ایم کیوایم انٹرنیشنل سیکریٹریٹ میں قرآن خوانی کی گئی
قرآن خوانی میں آصف صدیقی مرحوم کے صاحبزادے طارق صدیقی، مرحوم کی صاحبزادیوں،دیگراہل خانہ اوررشتہ داروں ،اراکین رابطہ کمیٹی ، ایم کیوایم برطانیہ کی آرگنائزنگ کمیٹی ، مختلف یونٹوں کے کارکنوں اورہمدردوں کی شرکت
بانی وقائد جناب الطاف حسین نے آصف صدیقی مرحوم کیلئے فاتحہ خوانی کرائی
لندن … 19 نومبر 2023ئ
ایم کیوایم کے بزرگ کا رکن اوررابطہ کمیٹی کے سابق رکن آصف صدیقی مرحوم کے ایصال ثواب کے لئے لندن میں ایم کیوایم انٹرنیشنل سیکریٹریٹ میں قرآن خوانی کی گئی ۔ قرآن خوانی میں آصف صدیقی مرحوم کے صاحبزادے طارق صدیقی، مرحوم کی صاحبزادیوں،دیگراہل خانہ اوررشتہ داروں کے ساتھ ساتھ ایم کیوایم کی رابطہ کمیٹی کے ارکان ، ایم کیوایم برطا نیہ کی آرگنائزنگ کمیٹی ، مختلف یونٹوں کے کارکنوں ، خواتین اورہمدردوں نے شرکت کی ۔قرآن خوانی کے بعد ایم کیوایم کے بانی وقائدجناب الطاف حسین نے آصف صدیقی مرحوم کے ایصال ثواب کے لئے فاتحہ خوانی کرائی اورمرحوم کو زبردست خراج عقیدت پیش کیا۔