کراچی کے آر جے شاپنگ سینٹر میں آتشزدگی کا واقعہ نہایت افسوسناک ہے۔ الطاف حسین

لندن… 26  نومبر2023ئ

 ایم کیوایم کے بانی وقائدجناب الطاف حسین نے کراچی میں آر جے شاپنگ سینٹر میں آتشزدگی کے ہولناک واقعہ اوراس میں 11افراد کے جاں بحق اور 35 افراد کے جھلسنے پر دلی افسوس کااظہارکیاہے ۔ اپنے بیان میں جناب الطا ف حسین نے کہاہے کہ اب تک سامنے آنے والے حقائق کے مطابق اس شاپنگ سینٹر میں کوئی ایمرجنسی یافائرایگزٹ نہیں تھاجوکہ قواعدکے مطابق رہائشی اورکمرشل بلڈنگز کیلئے ایک بنیادی ضرورت ہوتی ہے ۔ اسی وجہ سے اتناجانی نقصان ہوا ہے ۔ جناب الطا ف حسین نے کہا کہ اس بات کی تحقیقات ہوناچاہئیں کہ فائر یا ایمرجنسی ایگزٹ نہ ہونے کے باوجود اس شاپنگ سینٹر کواین او سی کس طرح دیدی گئی ۔جولوگ اس کے ذمہ دارہیں ان کے خلاف کارروائی ہوناچاہیے۔ جناب الطاف حسین نے ہولناک آتشزدگی کے اس واقعہ میں جاں بحق ہونے والوں کے لواحقین سے دلی تعزیت کااظہارکرتے ہوئے کہاکہ میں اورمیری ایم کیوایم کے تمام کارکنان آپ کے غم میںبرابرکے شریک ہیں۔انہوں نے دعاکی کہ اللہ تعالیٰ جاں بحق ہونے والے افراد کی مغفرت فرمائے، انہیں جنت الفردوس میں جگہ دے اورلواحقین کو صبرجمیل عطافرمائے۔ انہوں نے اس واقعہ میںجھلسنے والوں کی زندگی اور صحتیابی کیلئے دعا کی ۔ 

٭٭٭٭٭