بانی و قائدجناب الطاف حسین اورایم کیوایم برطانیہ کی جانب سے آصف صدیقی مرحوم کی قبرپر گلدستے رکھے گئے اورمرحوم کوخراج عقیدت پیش کیاگیا

لندن۔۔۔18، نومبر2023ئ

ایم کیوایم کے بزرگ رکن اورسابق رکن رابطہ کمیٹی آصف صدیقی مرحوم کوآج بروز ہفتہ لندن کے علاقے ہینڈن (Hendon)کے قبرستان میں سپردخاک کردیاگیا۔ مرحوم کے جنازے میں ایم کیوایم کی رابطہ کمیٹی کے کنوینر مصطفی عزیزآبادی ، رابطہ کمیٹی کے ارکان قاسم علی رضا ، افتخار حسین قریشی ، ایم کیوایم برطانیہ کے آرگنائزر سہیل خانزادہ ، آرگنائزنگ کمیٹی کے ارکان ، لندن میں ایم کیوایم کے مختلف یونٹوں کے ذمہ داران ، کارکنان اور مرحوم کے اہل خانہ اور عزیزواقارب نے بڑی تعداد میں شرکت کی ۔مرحوم کو لحدمیں اتارنے کے بعد مرحوم کے ایصال ثواب کیلئے فاتحہ خوانی کی گئی۔ اس موقع پر ایم کیوایم کے بانی و قائدجناب الطاف حسین، ایم کیوایم برطانیہ کی آرگنائزنگ کمیٹی اورایم کیوایم برطانیہ کے مختلف یونٹوں کی جانب سے آصف صدیقی مرحوم کی قبرپر گلدستے رکھے گئے اورمرحوم کوخراج عقیدت پیش کیاگیا۔رابطہ کمیٹی کے ارکان نے مرحوم صاحبزادے طارق صدیقی اوردیگراہل خانہ سے بانی وقائد جناب الطاف حسین کی جانب سے دلی تعزیت وہمدردی کا اظہار کیا ۔ 

٭٭٭٭٭