ایم کیوایم شعبہ خواتین کے زیراہتمام لندن میں محفل ِ میلاد منعقد کی گئی

لندن …  3  نومبر 2023ئ

 ایم کیوایم انٹرنیشنل سیکریٹریٹ لندن شعبہ خواتین کے زیراہتمام ہفتہ کو لندن میں محفل ِ میلاد منعقد کی گئی۔ محفلِ میلاد لندن میں ایجویئرکے واٹلنگ کمیونٹی سینٹرمیںمنعقدکی گئی جس میں ایم کیوایم کی خواتین کارکنوں، ذمہ داروںاور ہمدرد خواتین کی بڑی تعداد نے شرکت کی ۔ محفلِ میلاد کا آغاز تلاوتِ قرآن مجید سے کیاگیاجس کے بعد خدائے بزرگ وبرتر کی شان میں حمدشریف پیش کی گئی۔ثناء خواں خواتین نے نبی آخرالزماںسرکارِدوعالم حضرت محمد مصطفےٰ ۖکی شان اقدس میں خوبصورت نعتوں کی شکل میں گلہائے عقیدت پیش کئے اوراولیائے کرام سے اظہارعقیدت میں منقبتیں بھی پیش کیں ۔محفل کے آخری حصے میں سرکارِدوعالم ۖ کے حضور درودسلام پیش کیاگیا جس نے محفل میں سماں باندھ دیا۔اختتام پر دعا کی گئی۔ اس موقع پر ایم کیوایم شعبہ خواتین کی انچارج محترمہ یاسمین نوین نے غزہ پر اسرائیلی بمباری اورحملوں میں شہید کئے جانے والے مظلوم فلسطینیوں کے ایصال ثواب کے لئے بھی دعاکی اور زخمیوںسمیت تمام مظلوم فلسطینیوں سے اظہارہمدردی کیا ۔ اس موقع پر گزشتہ دنوں فائرنگ سے شہید کئے جانے والے ایم کیوایم ساؤتھ افریقہ کے سینٹرل آرگنائزرمحمدیوسف خان شہید کو بھی خراج عقیدت پیش کیاگیا اورمحمدیوسف شہید، ایم کیوایم شعبہ خواتین کی سابق انچارج مرحومہ صفیہ اکبر، مرحوم عادل اکبر، مرحومہ ہاجرہ ارم، احمدامام مرحوم، ڈاکٹر عمران فاروق شہیداورڈاکٹرحسن ظفرعارف شہید سمیت تحریک کے تمام شہیدوں کے درجات کی بلندی کیلئے اورایم کیوایم کے بانی وقائدجناب الطاف حسین کی صحت وسلامتی اورتحریک کی کامیابی کے لئے بھی دعاکی گئی ۔ محفلِ میلا د کی کارروائی فیس بک پر ایم کیوایم کے آفیشل پیج پر براہ راست نشر کی گئی۔