ایم کیوایم کے کارکنوں کی گرفتاریاں اور چھاپے بندکئے جائیں اور گرفتارشدگان کوفی الفور رہا کیا جائے ۔رابطہ کمیٹی متحدہ قومی موومنٹ

لندن  …  22  جولائی 2023ئ

متحدہ قومی موومنٹ کی رابطہ کمیٹی نے ایم کیوایم کے کارکنوں کی گرفتاریوں اور چھاپوں کی شدیدمذمت کرتے ہوئے مطالبہ کیاہے کہ ایم کیوایم کے کارکنوں کی گرفتاریاں اورگھروں پر چھاپے بندکئے جائیںاورگرفتارشدگان کوفی الفور رہا کیا جائے ۔انٹرنیشنل سیکریٹریٹ لندن سے جاری کردہ بیان میں رابطہ کمیٹی نے کہاکہ 9جولائی کو کراچی کے علاقے کورنگی میں نکالی گئی ریلی جس میں علاقے کے عوام کی بڑی تعدادنے شرکت کی تھی جسکے بعد ایم کیوایم کے کارکنوں اور ہمدردوں کی گرفتاریوں کاسلسلہ شروع ہوگیاجوتاحال جاری ہے کراچی میں کورنگی، اورنگی ٹاؤن، نیوکراچی، نارتھ کراچی، ملیر، فیڈرل بی ایریا اور دیگر علاقوں میں غداران قوم بہادرآباد ٹولے کی مخبریوںاور نشاندہی پر بڑے پیمانے پر گرفتاریاں کی گئیں ۔ جس کے بعد حیدرآباد میں بھی کئی کارکنوںکوگرفتارکرکے لاپتہ کردیاگیا۔ اسکے ساتھ ہی میرپورخاص ، عمرکوٹ اورٹنڈوالہ یار میں بھی کارکنوںکی گرفتاریاں کی گئیں۔ اب تک 200سے زائدایم کیوایم کے کارکنوں کو اب تک گرفتارکیاجا چکاہے اوراب پیپلزپارٹی کی سفاک حکومت سندھ کے احکامات پرتمام گرفتار شدگان کونقص امن کے نام پردو دراز جیلوں میں منتقل کیاجارہا ہے ۔ کراچی سے گرفتارکئی کارکنوں کو خیرپور اور لاڑکانہ جیل ، حیدرآباد سے گرفتار کارکنوں کوسانگھڑجیل جبکہ میرپورخاص اورعمرکوٹ سے گرفتارکئے گئے کارکنوں کو دادو اور نوشہروفیروزکی جیلوں میںمنتقل کردیاگیا ہے ۔اس کے ساتھ ساتھ کورنگی اور دیگر علاقوں میں بہادرآباد ٹولے کی مخبریوںپر ایم کیوایم کے کارکنوں کے گھروں پر مسلسل چھاپے مارے جارہے ہیں اورانکے اہل خانہ کو ہراساں کیا جارہا ہے ۔ رابطہ کمیٹی نے آرمی چیف جنرل عاصم منیرسے اپیل کی کہ ایم کیوایم کے تمام گرفتارشدگان کو رہا کیا جائے اور چھاپے گرفتاریاں بند کی جائیں۔ رابطہ کمیٹی نے سپریم کورٹ کے چیف جسٹس عمر عطا بندیال سے اپیل کی کہ ایم کیوایم کے بے گناہ کارکنوں کے گھروں پر چھاپوں اور گرفتاریوں کا ازخودنوٹس لیاجائے اوربے گناہ سیاسی کارکنوںاوران کے اہل خانہ کو
ہراساں کرنے کاسلسلہ بندکرایاجائے۔