کرا چی اورحیدرآبادمیں ایم کیوایم کے کارکنوں کی گرفتاریوں کے خلاف ہفتہ 15جولائی کولندن میں پاکستان ہائی کمیشن کے سامنے احتجاجی مظاہرہ کیاجائے گا
ایم کیوایم برطانیہ کے کارکنوں نے احتجاجی مظاہرے کی تیاریاں شروع کردی
بے گناہ گرفتار کئے گئے کارکنوں اورانکے اہل خانہ سے اظہاریکجہتی کیلئے احتجاجی مظاہرے میں بھرپورتعداد میں شرکت کریں۔ سہیل خانزادہ ،آرگنائزرایم کیوایم یوکے
لندن …13 جولائی 2023ئ
کرا چی اورحیدرآبادمیں ایم کیوایم کے کارکنوں کی گرفتاریوں،چھاپوں اور جبری گمشدگیوںکے خلاف ایم کیوایم برطانیہ کے زیراہتمام ہفتہ 15جولائی کولندن میں پاکستان ہائی کمیشن کے سامنے احتجاجی مظاہرہ کیاجائے گا۔ مظاہرہ سینٹرل لندن میں پاکستان ہائی کمیشن واقع 34-36 ، Lowndes Square, SW1X 9JN پر دوپہر2بجے کیا جائے گا۔مظاہرے کے سلسلے میں ایم کیوایم برطانیہ کے کارکنوں نے تیاریاں شروع کردی ہیں۔ دریںاثناء ایم کیوایم برطانیہ کے آرگنائزر سہیل خانزادہ نے تمام کارکنوں اور ہمدردوںسے اپیل کی ہے کہ وہ کراچی اور حیدرآبادمیں بے گناہ گرفتار کئے گئے کارکنوں اورانکے اہل خانہ سے اظہاریکجہتی کیلئے احتجاجی مظاہرے میں بھرپورتعداد میں شرکت کریں۔