شکیل احمد اپنی متاثرکن اداکاری کے ذریعے نوجوانوں میں علم اور تہذیب وتمدن کی روشنی بکھیرنے والے اداکار تھے۔الطاف حسین
لندن … 29 جون 2023ئ
ایم کیوایم کے بانی وقائدجناب الطاف حسین نے پاکستان کے ممتاز اور سینئراداکار شکیل احمد کے انتقال پر دلی افسوس کا اظہار کیاہے ۔ اپنے بیان میں انہوں نے کہاکہ شکیل احمدایک ویٹرن اداکارہی نہیں تھے بلکہ سبق آموز ڈراموں میں اپنی متاثرکن اداکاری کے ذریعے نوجوانوں میں علم اور تہذیب وتمدن کی روشنی بکھیرنے والے اداکار تھے ۔ انکے انتقال سے ملک ایک بڑے اداکار سے ہی نہیں بلکہ فن کی روشنی کے مینار سے محروم ہوگیاہے ،فن کی دنیا میںان کانام ہمیشہ یاد رکھاجائے گا ۔ جناب الطاف حسین نے شکیل احمدمرحوم کے تمام اہل خانہ سے دلی تعزیت کا اظہارکیاہے اوردعاکی ہے کہ اللہ تعالیٰ شکیل احمدمرحوم کی مغفرت فرمائے اوران کے اہل خانہ کوصبرجمیل عطا فرمائے ۔
٭٭٭٭٭