رکن الدین تاج ایک سچے وفاپرست ساتھی تھے۔ الطاف حسین

 رکن الدین تاج ایک سچے وفاپرست ساتھی تھے۔ الطاف حسین 
تحریک کیلئے رکن الدین کی قربانیوں کو فراموش نہیں کیا جائے گا 
  تحریک کی تاریخ میں رکن الدین تاج کانام لکھا جاچکاہے
 رکن الدین مرحوم کے صاحبزادے انوارالحق اور بھائیوںسے تعزیت

لندن  …  8  مئی 2023ئ
ایم کیوایم کے بانی وقائدجناب الطاف حسین نے ایم کیوایم مرکزی رابطہ کمیٹی کے ممبر رکن الدین تاج کے انتقال پر دلی صدمہ اورگہرے رنج وغم کااظہارکیاہے۔ اپنے بیان میں جناب الطاف حسین نے کہاکہ رکن الدین تاج ایک سچے وفاپرست ساتھی تھے اوران کے انتقال سے مجھے ذاتی طورپر شدید دکھ اور صدمہ پہنچاہے۔رکن الدین کاانتقال تحریک کا بڑا نقصان ہے۔ انہوں نے رکن الدین تاج مرحوم کوزبردست خراج عقیدت پیش کرتے ہوئے کہا کہ رکن الدین تاج مرحوم نے تحریک کیلئے بڑی خدمات انجام دی ہیں،تحریک کیلئے ان کی قربانیوں کو فراموش نہیں کیا جائے گا ۔انہوں نے مزیدکہاکہ تحریک کیلئے قربانیوں کی بدولت تحریک کی تاریخ میں رکن الدین تاج مرحوم کانام لکھا جاچکا ہے۔جناب الطاف حسین نے رکن الدین مرحوم کے صاحبزادے انوارالحق اور بھائیوںسے فون پر تعزیت کرتے ہوئے کہاکہ رکن الدین تاج کاانتقال میراذاتی دکھ ہے، میں اور تحریک کے تمام کارکنان آپ کے غم میں برابرکے شریک ہیں۔ انہوں نے دعاکی کہ اللہ تعالیٰ رکن الدین تاج مرحوم کی مغفرت فرمائے، انہیں جنت الفردوس میں جگہ دے اورتمام اہل خانہ کو ناگہانی وفات کایہ عظیم صدمہ برداشت کرنے کا حوصلہ اور صبرجمیل عطافرمائے۔ 
٭٭٭٭٭