ایم کیوایم کے بانی وقائد جناب الطاف حسین سے ساؤتھ افریقہ ڈربن چیپٹرکے جوائنٹ انچارج حافظ جی کی ملاقات
قائدتحریک الطاف حسین کو عظیم انقلا بی لیڈروں کی تصاویر
اور اقوال پر مبنی خوبصورت پورٹریٹ پیش کیا
قائدتحریک الطاف حسین کی ساؤتھ افریقہ کے تمام کارکنوںکیلئے دعائیں اور ثابت قدمی پر خراج تحسین
لندن … 5 مارچ 2023ئ
ایم کیوایم ساؤتھ افریقہ ڈربن چیپٹرکے جوائنٹ انچارج حافظ جی نے متحدہ قومی موومنٹ کے بانی وقائدجناب الطاف حسین سے لندن میں ملاقات کی ۔ انہوںنے قائدتحریک جناب الطاف حسین کوساؤتھ افریقہ یونٹ کی جانب سے ایک خوبصورت پورٹریٹ پیش کیاجس میں دنیاکے عظیم انقلابی لیڈروں کی تصاویر اوران کے مشہور اقوال موجود تھے۔ انہوں نے قائدتحریک کوساؤتھ افریقہ یونٹ اوورسیزیونٹ کے ساتھیوں کاسلام اوران کی جانب سے تحائف بھی قائدتحریک کو پیش کئے۔ قائدتحریک جناب الطاف حسین نے حافظ جی کو ایم کیوایم امریکہ کی جانب سے جاری کردہ نئے سال کا کیلینڈر پیش کیا۔انہوں نے ساؤتھ افریقہ کے تمام چیپٹرز کے کارکنوںکے لئے دعائیںکیں اورانہیں ان کی ثابت قدمی پر خراج تحسین پیش کیا۔