کارکنوں کے ماورائے عدالت قتل ، نائن زیرو کو آگ لگانے ، سابق رکن اسمبلی نثارپہنورکی جبری گمشدگی اور دیگر ریاستی مظالم کے خلاف کل بروز ہفتہ لندن ٹین ڈاؤننگ اسٹریٹ پراحتجاجی مظاہرہ کیاجائے گا
مظاہرہ مقامی وقت کے مطابق دوپہر2بجے کیاجائے گا
لندن … 30 ستمبر 2022ئ
ایم کیوایم کے کارکنوں کے ماورائے عدالت قتل ، نائن زیرو کو سازش کے تحت آگ لگانے ، ایم کیوایم کے سابق رکن اسمبلی نثارپہنور کوگرفتارکرکے لاپتہ کرنے، قائدتحریک الطاف حسین پر عائد غیرآئینی وغیرقانونی پابندی اورمہاجروںپر ڈھائے جانے والے ریاستی مظالم کے خلاف کل مورخہ یکم اکتوبربروز ہفتہ لندن میں احتجاجی مظاہرہ کیاجائے گا۔یہ مظاہرہ لندن میں برطانوی وزیراعظم کی سرکاری رہائش گاہ ٹین ڈاؤننگ اسٹریٹ پرمقامی وقت کے مطابق دوپہر2بجے کیاجائے گا جو شام پانج بجے تک جاری رہے گا۔
٭٭٭٭٭