حضرت امجد صابری شہیدمذہبی رواداری ، فرقہ وارانہ ہم آہنگی اورانسانیت پسند عوام کے درمیان اتحاد ویکجہتی کے سفیر تھے ، قائد تحریک الطاف حسین

لندن  … 30  اپریل  2021ئ

ایم کیوایم کے بانی وقائد جناب الطاف حسین نے کہاہے کہ حضرت امجد صابری شہیدمذہبی رواداری ، فرقہ وارانہ ہم آہنگی اورانسانیت پسند عوام کے درمیان اتحاد ویکجہتی کے سفیر تھے ، امجد صابری شہید اپنے چاہنے والوںکے دلوں میں ہمیشہ زندہ رہیں گے۔ ان خیالات کااظہار جناب الطاف حسین نے ممتازصوفی قوال امجدصابری شہید کوان کی پانچویںبرسی پر زبردست خراج عقیدت پیش کرتے ہوئے کیا ۔ایک بیان میں جناب الطاف حسین نے کہاکہ امجدصابری شہید ایک سچے حق پرست قوال تھے جواپنے صوفیانہ کلام کے ذریعے اسلام کے امن وآشتی اورمذہبی رواداری کے پیغام کوپھیلارہے تھے اورایک سچے حق پرست کی حیثیت سے وہ ایم کیوایم کی حق پرستانہ تحریک کے نظریہ کے بھی حامی تھے جس کااظہاروہ اپنی قوالیوں میںبھی کرتے تھے ۔ ان کاقتل بھی دراصل امن وآشتی کی اس شمع کوبجھانے کے ساتھ ساتھ اس کی آڑمیں ایم کیوایم کی حق پرستانہ تحریک کوکچلنے کاجوازپیداکرناتھا۔جناب الطاف حسین نے کہاکہ ایم کیوایم اورمذہبی رواداری کی دشمن قوتوں نے امجدصابری کوشہیدتوکردیالیکن وہ ان کے پیغام کوختم نہیں کرسکتے۔وہ آج بھی اپنے پیغام کی صورت میں لوگوںکے دلوں میں زندہ ہیں۔ جناب الطاف حسین نے پانچویں برسی کے موقع پر امجدصابری شہید کوزبردست خراج عقیدت پیش کیااوردعاکی کہ اللہ تعالیٰ امجدصابری شہید کوجنت الفردو س میں اعلیٰ سے اعلیٰ مقام عطافرمائے۔ انہوں نے امجدصابری شہید کے اہل خانہ سے بھی دلی تعزیت کااظہارکیااوردعاکی کہ اللہ تعالیٰ امجدصابری شہید کے اہل خانہ کوصبرجمیل عطافرمائے۔

٭٭٭٭٭