وفاقی حکومت کی جانب سے مردم شماری کے متنازعہ نتائج کوجاری کرنے کا فیصلہ کھلی کراچی دشمنی ہے۔طارق جاوید، اراکین رابطہ کمیٹی ایم کیوایم

Posted on: 12/24/2020

وفاقی حکومت کی جانب سے مردم شماری کے متنازعہ نتائج کوجاری کرنے کا فیصلہ
کھلی کراچی دشمنی ہے۔طارق جاوید، اراکین رابطہ کمیٹی ایم کیوایم
کراچی کی آبادی ہرلحاظ سے3 کروڑ سے زائد ہے لیکن مردم شماری میں کراچی کی
اصل آبادی کوماضی کی طرح ایک بارپھر آدھا کردیاگیاہے
کراچی کی آبادی کو سازش کے تحت آدھاکردکے اہل کراچی کوآباد ی کے تناسب
سے ان کے نمائندگی کے حق اورتمام بنیادی حقوق سے محروم کیاجارہاہے
کراچی دشمن فیصلہ واپس لیاجائے، جعلی مردم شماری کے نتائج کومنسوخ کیاجائے
کراچی میں اقوام متحدہ کی نگرانی میں آزادانہ اور منصفانہ مردم شماری کرائی جائے
ایم کیوایم کی رابطہ کمیٹی کے کنوینرطارق جاویداوراراکین رابطہ کمیٹی کامطالبہ

لندن … 24 دسمبر 2020ئ
ایم کیوایم کی رابطہ کمیٹی کے کنوینرطارق جاویداوراراکین رابطہ کمیٹی نے وفاقی حکومت کی جانب سے مردم شماری کے متنازعہ نتائج کوجاری کرنے کے فیصلے کی شدیدمذمت کرتے ہوئے اس فیصلے کوکھلی کراچی دشمنی قراردیاہے۔ اپنے مشترکہ بیان میں انہوں نے کہاکہ سندھ کے شہری علاقوں خصوصاًکراچی کے ساتھ ماضی میں بھی متعصبانہ رویہ اختیارکیاگیاہے اورکراچی دشمن ارباب اختیار کی طے شدہ پالیسی کے تحت بھٹودورحکومت میں بھی کراچی کی آبادی کوایک سازش کے تحت

آدھاکرکے دکھایاگیا، اسی پالیسی کے تحت بعد میں ہونے والی مردم شماری میں بھی کراچی کی آبادی کوہمیشہ اس کی اصل آبادی سے کم کرکے دکھایاجاتارہاہے ۔ اسی کراچی دشمن پالیسی کے تحت کراچی کی اصل آبادی کے اعدادوشمارکومنظرعام پر آنے سے روکنے کے لئے 2011ء میں ہونے والی خانہ شماری کے نتائج کومنسوخ کردیاگیاتھا۔آج کراچی کی آبادی ہرلحاظ سے3 کروڑ سے زائد ہے لیکن اس مردم شماری میں بھی کراچی کی اصل آبادی کوماضی کی طرح ایک بارپھر آدھا کردیاگیاہے۔اس مردم شماری کے نتائج کوتمام غیرجانبدارادارے بھی مستردکرچکے ہیں لیکن موجودہ حکومت نے اس بوگس مردم شماری کے نتائج کوجاری کرنے کافیصلہ کیا ہے جوکسی بھی طرح قبول نہیں کیاجاسکتا۔ طارق جاویدا وراراکین رابطہ کمیٹی نے کہاکہ جعلی مردم شماری کے ذریعے کراچی کی آبادی کوجان بوجھ کرآدھاکرکے اہل کراچی کوآباد ی کے تناسب سے ان کے نمائندگی کے حق اورتمام بنیادی حقوق سے محروم کیاجارہاہے جوسراسرکراچی دشمنی ہے ۔ کنوینر طارق جاوید اوراراکین رابطہ کمیٹی نے مطالبہ کیاکہ یہ کراچی دشمن فیصلہ واپس لیاجائے، جعلی مردم شماری کے نتائج کومنسوخ کیاجائے اورکراچی میں اقوام متحدہ کی نگرانی میں آزادانہ اور منصفانہ مردم شماری کرائی جائے ۔

٭٭٭٭٭

9/21/2023 3:50:06 PM

ایم کیوایم ، ملک بھرکے مظلوم عوام کی تحریک ہے، قائد تحریک الطاف حسین ... 18 Sep 2023	میلبرن میں قائد تحریک الطاف حسین کی 70 ویں سالگرہ جوش وجذبے سے منائی ... 17 Sep 2023
بانی وقائد الطاف حسین کی 70 ویں پلاٹینم جوبلی سالگرہ کی تقریبات کا باق... 17 Sep 2023	70سال کی عمر میں لوگ ٹوٹ جاتے ہیں لیکن الطاف حسین نہیں ٹوٹے گا۔الطاف ... 17 Sep 2023
شہید انقلاب ڈاکٹر عمران فاروق کی 13 ویں برسی پاکستان سمیت دنیا کے مختل... 17 Sep 2023	ایم کیوایم آسٹریلیاکے تحت ڈاکٹرعمران فاروق شہید کی 13 ویں برسی انتہائ... 16 Sep 2023
بانی وقائد الطاف حسین … عہدساز شخصیت (جناب الطاف حسین کی70ویں سالگرہ ک... 16 Sep 2023	پیٹرول کی قیمت میں غیرمنصفانہ اضافہ فی الفور واپس لیاجائے ، قائد تحری... 16 Sep 2023
''شہیدانقلاب''ڈاکٹر عمران فاروق نے تحریک کیلئے جو قربانیاں دی وہ ناق... 15 Sep 2023	ایم کیوایم کے زیراہتمام شہیدکنوینر''شہیدانقلاب'' ڈاکٹرعمران فاروق کی ... 13 Sep 2023