حافظ مسرورالحسن کے انتقال سے ایم کیوایم ایک سچے ہمدرد اور مشفق بزرگ سے محروم ہوگئی ، قائد تحریک الطاف حسین

حافظ مسرورالحسن کے انتقال سے ایم کیوایم ایک سچے ہمدرد اور مشفق بزرگ سے محروم ہوگئی ، قائد تحریک الطاف حسین

لندن۔۔۔22، جون2020ئ

متحدہ قومی موومنٹ کے بانی وقائد تحریک جناب الطاف حسین نے ایم کیوایم برطانیہ کے بزرگ ہمدرد، جید عالم دین،شاعراوردانشور حافظ مسرورالحسن کے انتقال پر گہرے دکھ اور افسوس کااظہارکیا ہے ۔ ایک تعزیتی بیان میں جناب الطاف حسین نے حافظ مسرورالحسن مرحوم کوانکی تنظیمی خدمات پر زبردست خراج عقیدت پیش کرتے ہوئے کہاکہ حافظ مسرورالحسن سچے عاشق رسول اور نہایت زندہ دل شخصیت کے مالک تھے ، ایک جید عالم دین ہونے کے ناطے مرحوم نے برطانیہ میںدین  اسلام کی اصل تعلیمات کے فروغ میں نہایت اہم کردار ادا کیا۔ انہوںنے کہاکہ مرحوم اپنی ضعیف العمری اور علالت کے باوجود ایم کیوایم کے ہرپروگرام میں باقاعدگی سے شرکت کرتے اور یوم شہداء اور دیگر سانحات کے موقع پر خصوصی فاتحہ خوانی کراتے ،بلاشبہ حافظ مسرورالحسن کے انتقال سے ایم کیوایم ایک سچے ہمدرد اور مشفق بزرگ سے محروم ہوگئی ہے اور ان کے انتقال سے مجھے ذاتی طورپر دلی صدمہ پہنچا ہے ۔جناب الطاف حسین نے کہاکہ حافظ مسرورالحسن انتہائی شریف النفس ، نیک دل اور اچھے انسان تھے ، انکے انتقال کی خبر پاکستان سمیت دنیا بھرمیں مقیم وفاپرست کارکنان وہمدرد عوام میں دکھ اور افسوس کے ساتھ سنی گئی اور حافظ مسرورالحسن کے انتقال سے تمام کارکنان وہمدرد عوام گہرے رنج وغم میں مبتلا ہیں۔ جناب الطاف حسین نے مرحوم کے سوگوارلواحقین سے دلی تعزیت وہمدردی کااظہارکرتے ہوئے کہاکہ دکھ کی اس گھڑی میں مجھ سمیت ایم کیوایم کے تمام کارکنان آپ کے ساتھ ہیں اور سوگوارلواحقین کے غم میں برابر کے شریک ہیں۔ جناب الطاف حسین نے دعا کی کہ اللہ تعالیٰ ، حافظ مسرورالحسن مرحوم کے درجات بلند فرمائے ، انہیں جنت الفردوس میں اعلیٰ مقام عطا کرے اور سوگوارلواحقین کو یہ صدمہ برداشت کرنے کاحوصلہ دے ۔ (آمین ثمہ آمین)

٭٭٭٭٭