رابطہ کمیٹی نے تنظیمی نظم وضبط کی مسلسل سنگین خلاف ورزیوںپر ایم کیوایم امریکہ کے 10 کارکنان کو
تنظیم کی بنیادی رکنیت سے خارج کردیا، اعلامیہ ایم کیوایم
رابطہ کمیٹی کے کنوینر کی صدارت میں رابطہ کمیٹی کے اجلاس میں فیصلہ،قائد تحریک الطاف حسین نے رابطہ کمیٹی کے فیصلے کی توثیق کردی
بنیادی رکنیت سے خارج کیے گئے افراد میںشا ہد فرہاد، ثاقب محی الدین ، فیصل عثمانی ، طلحہ عباسی ، شاہد معین ، توصیف خان،
محمد حفیظ ، فواد الرحمان ، کفیل قادری اورنوید حسین شامل ہیں
مذکورہ بالا افراد باربار تنبیہ کے باوجودتحریک میں گروپ بندی ،تنظیمی نظم وضبط اورقائد تحریکب الطاف حسین کی تعلیمات
کی مسلسل سنگین خلاف ورزیوںکے مرتکب پائے گئے،رابطہ کمیٹی
وفاپرست ذمہ داران اورکارکنان مذکورہ بالا افراد سے کسی بھی قسم کا رابطہ نہ رکھیں اورتنظیمی نظم وضبط کی سختی سے پابندی کریں، رابطہ کمیٹی

متحدہ قومی موومنٹ کی رابطہ کمیٹی نے تنظیمی نظم وضبط کی مسلسل سنگین خلاف ورزیوںپر ایم کیوایم امریکہ کے 10 کارکنان کو تنظیم کی بنیادی رکنیت سے خارج کردیا ہے ۔ یہ فیصلہ رابطہ کمیٹی کے کنوینر ڈاکٹر ندیم احسان کی صدارت میں ہونے والے رابطہ کمیٹی کے اجلاس میں کیاگیا۔بانی وقائدتحریک جناب الطاف حسین نے رابطہ کمیٹی کے اس فیصلے کی توثیق کردی ہے ۔ ایک بیان میں رابطہ کمیٹی نے کہاکہ ایم کیوایم اوورسیز امریکہ ہیوسٹن چیپٹر کے شاہد فرہاد، اٹلانٹا چیپٹر کے ثاقب محی الدین ، واشنگٹن چیپٹر کے فیصل عثمانی ، طلحہ عباسی ، شاہد معین ، توصیف خان،محمد حفیظ ، فواد الرحمان ، کفیل قادری اورنوید حسین رابطہ کمیٹی کی جانب سے باربار تنبیہ کے باوجودتحریک میں گروپ بندی ،تنظیمی نظم وضبط اورقائد تحریک جناب الطاف حسین کی تعلیمات کی مسلسل سنگین خلاف ورزیوںکے مرتکب پائے گئے ۔ یہ افراد ایک جانب قائد تحریک جناب الطاف حسین سے محبت کے جھوٹے دعوے کرکے وفاپرست کارکنان وعوام کو گمراہ کررہے ہیں اور دوسری جانب Karachiites، فری کراچی اور گریٹرکراچی جیسے ٹولوں اور تحریک سے خارج کیے گئے افراد کے ساتھ مل کرمہاجراتحاد اور تحریک کو نقصان پہنچانے کی گھناؤنی سازشوںمیں بھی مصروف ہیں۔رابطہ کمیٹی نے کہاکہ قائد تحریک جناب الطاف حسین کی تعلیمات اور تنظیمی نظم وضبط کی مسلسل سنگین خلاف ورزیوں ، وفاپرست کارکنان وعوام کو گمراہ کرنے ، گروپ بندی اور مہاجرقوم کے اتحاد اور تحریک کو نقصان پہنچانے کی گھناؤنی سازشوں پر مذکورہ بالا افراد کو تحریک کی بنیادی رکنیت سے خارج کردیا گیا ہے ۔ رابطہ کمیٹی نے ایم کیوایم کے تمام وفاپرست ذمہ داران وکارکنان کو ہدایت کی کہ وہ مذکورہ بالا افراد سے کسی بھی قسم کا رابطہ نہ رکھیں اورتنظیمی نظم وضبط کی سختی سے پابندی کریں ۔

٭٭٭٭٭

12/14/2025 11:14:08 AM

شہیدوں کے لواحقین کو یادگارشہداء اور شہداء قبرستان جانے تک کی اجازت ن... 09 Dec 2025	یوم شہدا کے موقع پر ایم کیوایم امریکہ کی جانب سے خصوصی ترا نہ ”شہیدوں ... 08 Dec 2025
صرف الطاف حسین ہی کے لئے نہیں بلکہ عمران خان کے لئے بھی اپنے بڑے پن کا... 07 Dec 2025	کہا جارہا ہے کہ پی ٹی آئی والوں کے پاس دو راستے ہیں کہ وہ عمران خان سے... 07 Dec 2025
پیپلزپارٹی نے اس طرح یہ تاثردیاکہ سندھی ثقافت توڑپھوڑ، جلاؤ گھیراؤاورت... 07 Dec 2025	تحریک انصاف والوں نے مجھ پربہتان لگاکر سُر چھیڑا ہے،اب انہیں پورا راگ ... 06 Dec 2025
ایم کیوایم نے فرسودہ جاگیردارانہ نظام اور کرپٹ اقتدارمافیا کو چیلنج ک... 06 Dec 2025	ایم کیوایم کے بانی وقائد جناب الطاف حسین نے پاکستان کی تیزی سےبدلتی ہ... 03 Dec 2025
اس سال میں بہت کچھ ہواہے اورمیں کہہ رہا ہوں کہ مستقبل قریب میں بھی بہت... 03 Dec 2025	ایم کیوایم کی کوآرڈی نیشن کمیٹی کے ارکان کا معصوم ابراہیم کے سوگوارلوا... 02 Dec 2025