دسمبریوم شہداء تجدید عہدوفا اور عزم واستقلال کی نوید دیتا ہے۔الطاف حسین

لندن ۔۔۔ 8 دسمبر2018ء

متحدہ قومی موومنٹ کے بانی وقائدجناب الطاف حسین نے یوم شہداء کے موقع پراپنے پیغام میں کہاہے کہ 9، دسمبریوم شہداء ہرسال تجدید عہدوفا اور عزم واستقلال کی نوید دیتا ہے۔ انہوں نے پاکستان سمیت دنیابھرمیں موجود کارکنوں، ماؤں، بہنوں اوربزرگوں سے اپیل کی کہ وہ 9دسمبرکوتمام وفاپرست شہدائے حق کے ایصال ثواب کیلئے قرآن خوانی وفاتحہ خوانی کا اہتمام کریں اورشہداء کوزبردست خراج عقید ت پیش کریں۔جناب الطاف حسین نے کہاکہ ہمیں یہ یادرکھناچاہیے کہ جوقومیں اپنے شہیدوں کوفراموش کردیتی ہیں زمانہ انہیں فراموش کردیتاہے۔ انہوں نے کہاکہ اگر ہم وفاپرست شہدائے حق کے قاتلوں سے فی الحال آئین وقانون کے مطابق حساب نہیں لے سکتے تو کم ازکم شہداء کے ایصال ثواب کیلئے قرآن خوانی وفاتحہ خوانی تو کرسکتے ہیں۔انہوں نے کہاکہ یوم شہداء کے موقع پرکارکنان وعوام ایک تسبیح پر کم ازکم اللہ رب العزت کے کسی بھی ایک نام کا ورد کرکے شہداء کی ارواح کو بخشیں۔انہوں نے دعاکی کہ اللہ تبارک وتعالیٰ وفاپرست شہدائے حق کی لازوال قربانیوں کی بدولت ہمیں بھی بیدار ہونے کی توفیق عطافرمائے،تمام شہدائے حق کی قربانیوں کو اپنی بارگاہ میں قبول فرمائے ، ان کے درجات بلندفرمائے ، شہداکو جنت الفردوس میں اعلیٰ مقام عطافرمائے اور شہداء کے لواحقین کو صبرجمیل عطا فرمائے ۔ آمین یارب العالمین

*****