ایم کیوایم کے بانی وقائد الطاف حسین کی والدہ ماجدہ محترمہ خورشید بیگم کی برسی33 ویں برسی کل
بروز بدھ 5دسمبرکومنائی جائے گی
مرحومہ کی روح کے ایصال ثواب کیلئے ایم کیوایم انٹرنیشنل سیکریٹریٹ میں سہ پہر 3بجے قرآن خوانی کی جائے گی
مرحومہ خورشیدبیگم نے تحریک کے ابتدائی ایام میں قائدتحریک الطاف حسین کی رہنمائی کی۔ رابطہ کمیٹی کامرحومہ کوخراج عقیدت
مرحومہ خورشیدبیگم نے قائدتحریک الطاف حسین کی پہلی گرفتاری کے موقع پر اسٹیبلشمنٹ کی پیشکشوں کوٹھکراکرجس عظمت وہمت اوراعلیٰ کردارکامظاہرہ کیاوہ تحریک کی تمام ماؤں بہنوں کے لئے ایک مثال ہے ۔ رابطہ کمیٹی
لندن ۔۔۔ 4 دسمبر 2018ء
ایم کیوایم کے بانی وقائد جناب الطاف حسین کی والدہ ماجدہ محترمہ خورشید بیگم کی برسی33 ویں برسی کل بروز بدھ 5دسمبرکومنائی جائے گی ۔ اس سلسلے میں مرحومہ کی روح کے ایصال ثواب کے لئے ایم کیوایم انٹرنیشنل سیکریٹریٹ میں سہ پہر 3بجے قرآن خوانی کی جائے گی اورمرحومہ کوخراج عقیدت پیش کیاجائے گا۔ دریں اثناء ایم کیوایم کی رابطہ کمیٹی نے اپنے بیان میں مرحومہ خورشیدبیگم کوزبردست خراج عقیدت پیش کرتے ہوئے کہاہے کہ مرحومہ نے ایک ماں کی حیثیت سے نہ صرف قائدتحریک جناب الطاف حسین کی بہترین تعلیم وتربیت کی بلکہ انہوں نے تحریک کے ابتدائی ایام میں قائدتحریک الطاف حسین کی جس طرح رہنمائی کی اورخاص طورپرقائدتحریک الطاف حسین کی پہلی گرفتاری کے موقع پر انہوں نے اسٹیبلشمنٹ کی پیشکشوں کوٹھکراکرجس عظمت وہمت اوراعلیٰ کردارکامظاہرہ کیاوہ تحریک کی تمام ماؤں بہنوں کے لئے ایک مثال ہے ۔ رابطہ کمیٹی نے دعاکی کہ اللہ تعالیٰ مرحومہ خورشید بیگم کے درجات بلند کرے اورانہیں جنت الفردوس میں اعلیٰ مقام عطاکرے ۔ آمین
*****