ایم کیوایم یوکے شعبہ خواتین کے زیراہتمام جشن عیدمیلاالنبی ﷺ کے سلسلے میں
ایم کیوایم انٹرنیشنل سیکریٹریٹ لندن میں محفل میلاد منعقد کی گئی
لندن ۔۔۔ 4 دسمبر 2018ء
ایم کیوایم یوکے شعبہ خواتین کے زیراہتمام جشن عیدمیلاالنبی ﷺ کے سلسلے میں ایم کیوایم انٹرنیشنل سیکریٹریٹ لندن میں محفل میلاد منعقد کی گئی ۔ محفل میلاد میں ثناء خواں خواتین نے نبی آخرالزماں حضرت محمدمصطفےٰ ﷺ کے خدمت اقدس میں گلہائے عقیدت پیش کئے اورسیرت طیبہ ؐ پر روشنی ڈالی اور سرکار دوعالم ؐ کی شان میں اجتماعی طورپرسلام پیش کیاگیا۔ میلاد کے اختتام پربارگاہے خداوندی میں مناجات پیش کی گئی ،فاتحہ خوانی کی گئی ، مصائب ومشکلات میں گھرے لوگوں کی مشکلات کے خاتمے، مہاجروں پر ڈھائے جانے والے مظالم کے خاتمہ، شہداء کے درجات کی بلندی، لاپتہ افراد کی بازیابی اوراسیروں کی رہائی ،قائدتحریک الطاف حسین کی درازی عمر اورصحت وتندرستی کی دعائیں کی گئیں۔
*****