ایم کیوایم ساؤتھ افریقہ کے زیراہتمام بانی وقائدجناب الطاف حسین کی سالگرہ کے سلسلے میں
جمعہ 16نومبر کوجوہانسبرگ میں اجتماع منعقد کیاجائے گا
اجتماع کی تیاریوں کاجائزہ لینے کیلئے ساؤتھ افریقہ یونٹ کمیٹی کااجلاس ۔ آرگنائزر راشدمینائی نے اجلاس کوجمعہ کو
قائدتحریک الطاف حسین کی سالگرہ کے اجتماع کی تیاریوں کی تفصیلات سے آگاہ کیا
جمعہ کوتجدید وفاکا شانداراجتماع ہوگا۔ محمدسلیم
جوہانسبرگ ۔۔۔ 14 نومبر 2018ء
ایم کیوایم ساؤتھ افریقہ کے زیراہتمام بانی وقائدجناب الطاف حسین کی سالگرہ کے سلسلے میں جمعہ 16نومبر کوجوہانسبرگ میں اجتماع منعقد کیاجائے گا۔تجدید وفا کا یہ اجتماع جوہانسبرگ کے لال قلعہ ریسٹورینٹ میں منعقدہوگا۔ اس سلسلے میں ایم کیوایم ساؤتھ افریقہ کے کارکنان وذمہ داران تیاریوں میں مصروف ہیں۔ اجتماع کی تیاریوں کاجائزہ لینے کے لئے یونٹ کے ذمہ داروں کاایک اجلاس ہواجس میں ساؤتھ افریقہ کی یونٹ کمیٹی کے ارکان نے شرکت کی ۔ اجلاس میں سینٹرل ایگزیکٹوکمیٹی کے رکن محمدسلیم نے خصوصی طورپرشرکت کی ۔ اس موقع پر ایم کیوایم ساؤتھ افریقہ کے آرگنائزر راشدمینائی نے اجلاس کوجمعہ کوقائدتحریک الطاف حسین کی سالگرہ کے اجتماع کی تیاریوں کی تفصیلات سے آگاہ کیا۔ محمدسلیم نے تیاریوں پر اطمینان کااظہارکیااوراس سلسلے میں ذمہ داروں اورکارکنوں کی کاوشوں کوسراہا اورامیدظاہرکی کہ جمعہ کوتجدید وفاکایہ اجتماع شاندارہوگا۔
*****