کنوینر ڈاکٹرندیم احسان کی سربراہی میں ایم کیوایم کے وفد کی لندن میں بیگم کلثوم نوازمرحومہ کی نماز جنازہ میں شرکت

Posted on: 9/13/2018

کنوینر ڈاکٹرندیم احسان کی سربراہی میں ایم کیوایم کے وفد کی لندن میں بیگم کلثوم نوازمرحومہ کی نماز جنازہ میں شرکت
ڈاکٹرندیم احسان نے رابطہ کمیٹی کے ارکان کے ہمراہ حسین نواز اورحسن نواز سے ان کی والدہ کے انتقال پر تعزیت کی
حسین نوازاورحسن نوازنے نمازجنازہ میں شرکت کے ایم کیوایم کاوفدبھیجنے پر قائدتحریک جناب الطا ف حسین کاشکریہ اداکیا
ڈاکٹرندیم احسان کی اسحاق ڈار، چوہدری نثار، برجیس طاہر، ڈاکٹر اشرف چوہان اورمیاں نوازشریف کے دیگررفقاسے بھی تعزیت
بیگم کلثوم نواز کی زندگی اورجدوجہد پاکستان کی تمام خواتین کے لئے ایک مثال ہے ۔ ڈاکٹرندیم احسان

متحدہ قومی موومنٹ کے کنوینر ڈاکٹرندیم احسان نے پارٹی کے ایک وفد کے ہمراہ ریجنٹس پارک مسجد لندن میں سابق وزیراعظم میاں نوازشریف کی اہلیہ بیگم کلثوم نوازمرحومہ کی نماز جنازہ میں شرکت کی اورمرحومہ کوخراج عقیدت پیش کیا ۔ وفد میں ڈپٹی کنوینر قاسم علی رضا، رابطہ کمیٹی کے ارکان مصطفےٰ عزیزآبادی، منظوراحمد،ایم کیوایم یوکے کے آرگنائزر ہاشم اعظم ،آرگنائزنگ کمیٹی کے رکن ندیم شیخ اوردیگر ذمہ داران وکارکنان شریک تھے ۔ نماز جنازہ کے بعد کنوینر ڈاکٹرندیم احسان نے رابطہ کمیٹی کے ارکان کے ہمراہ نوازشریف کے صاحبزادوں حسین نواز اورحسن نواز سے ان کی والدہ کے انتقال پر تعزیت کی اورانہیں ایم کیوایم کے قائدجناب الطاف حسین کی جانب سے بھی تعزیت کاپیغام دیا۔ حسین نوازاورحسن نوازنے نمازجنازہ میں شرکت کے ایم کیوایم کاوفدبھیجنے پر قائدتحریک جناب الطا ف حسین کاشکریہ اداکیا۔ کنوینر ڈاکٹرندیم احسان نے اس موقع پر سابق وفاقی وزیرخزانہ اورنوازشریف کے سمدھی اسحاق ڈار، سابق وفاقی وزیرداخلہ چوہدری نثار، مسلم لیگ کے رکن قومی اسمبلی برجیس طاہر، سابق رکن پنجاب اسمبلی ڈاکٹر اشرف چوہان اورمیاں نوازشریف کے دیگررفقاسے بھی بیگم کلثوم نواز کے انتقال پر تعزیت کی ۔ ایم کیوایم کاوفدبیگم کلثوم نوازکی میت کی ریجنٹس پارک مسجد سے روانگی تک وہاں موجود رہا۔
اس موقع پر میڈیاکے نمائندوں سے گفتگوکرتے ہوئے کنوینر ڈاکٹرندیم احسان نے بیگم کلثوم نوازکوزبردست خراج عقیدت پیش کیا ۔انہوں نے کہاکہ بیگم کلثوم نوازایک جراتمند، بہادراورباوفاخاتون تھیں، انہوں نے مشکل وقت میں سامنے آکرآمریت کے خلاف صدائے احتجاج بلند کی اورملک میں بحالی جمہوریت کے لئے قید وبند کی صعوبتیں برداشت کیں۔بیگم کلثوم نواز نے جمہوریت کیلئے جو قربانیاں دیں وہ یادرکھی جائیں گی۔ ڈاکٹرندیم احسان نے کہا کہ بیگم کلثوم نواز کی زندگی اورجدوجہد پاکستان کی تمام خواتین کے لئے ایک مثال ہے ، ان کاانتقال شریف خاندان ہی کے لئے نہیں بلکہ پاکستان کیلئے ایک بڑا نقصان ہے ۔ ڈاکٹرندیم احسان نے کہاکہ قائدتحریک الطاف حسین اورایم کیوایم کے تمام کارکنان بیگم کلثوم نواز کے انتقال پر نوازشریف، مریم نواز، حسین نواز اورشریف خاندان کے تمام افراداور مسلم لیگ ن کے تمام رہنماؤں اورکارکنوں کے غم میں برابرکے شریک ہیں۔

*****

8/12/2026 10:17:20 AM

Whenever the Pakistan People's Party faces challenges, it tends to pla... 11 Aug 2026	Do not intimidate Muhajirs regarding the matter of new provinces, admi... 08 Aug 2026
Altaf Hussain Condemns Harassment of Journalists, Slams Pakistan's Ban... 06 Aug 2026	Kashmir is bleeding, but the government has no remorse for it. Instead... 04 Aug 2026
Innocent Kashmiris have been shot dead for demanding their rights; the... 02 Aug 2026	The public demand for the creation of new provinces in the country is ... 02 Aug 2026
Gen-Z of Pakistan should play role to end oppression : Altaf Hussain ... 29 Jul 2026	AltafHussain Statement on Democracy, Political Dynasties, and the Futu... 23 Jul 2026
PPP in Sindh is intentionally trying to stir up animosity between the ... 21 Jul 2026	The Objective of the War of Independence: India's Freedom or the Creat... 13 Jul 2026