نئے پاکستان کی رٹ لگا نے والے عمران خان نے وزیر اعظم کا حلف اٹھانے کے بعد ابتک
بانی پاکستان قائد اعظم محمد علی جناح کے مزار پر حاضری کیوں نہیں دی، الطاف حسین
ایم کیوایم کے بانی و قائد ، بابائے مہاجر قوم قائد تحریک جناب الطاف حسین نے اپنے ایک بیان میں اس بات پر سخت غم و غصہ کا اظہار کیا ہے کہ نیاپاکستان ،نیاپاکستان کی رٹ لگانے والے عمر ان خان کا مطلب قوم کی فلا ح بہبودقوم کے استحکام وخوشحالی ہرگز نہ تھا بلکہ نئے پاکستان کا نام تبدیل کر کے عملاً فوجستان بنانا اور وزارت عظمیٰ کاحلف لیکر فوجیوں کو سلامی دینا اس بات کاکھلاثبوت ہے ۔حالانکہ پاکستان کی روایات قومی و تہذیبی اقدار یہی ہے کہ جو بھی صدارت ووزارت عظمیٰ حتیٰ کہ چیف منسٹر یا گورنر کا حلف لینے کے فوری بعدبابائے قوم قائد اعظم محمد علی جناح کے مزار پر جاکر فاتحہ خوانی کرتا ہے لیکن نئے پاکستان کی رٹ لگانے والے نے حلف اٹھانے کے بعد جی ایچ کیومیں توحاضری دی لیکن بانی پاکستان قائد اعظم محمد علی جناح کے مزار پر حاضری کیوں نہیں دی ؟۔ یہ سوال ہر محب وطن پاکستانی کی زبان پر ہے ۔
*****