ایم کیوایم کے بانی وقائد الطاف حسین کل بروز جمعہ اے پی ایم ایس او کے 40ویں یوم تاسیس کے سلسلے میں لندن میں اجتماع سے اہم اورفکرانگیز خطاب کریں گے

لندن ۔۔۔ 28 جون 2018ء

ایم کیوایم کے بانی وقائدجناب الطاف حسین کل بروز جمعہ 29جون اے پی ایم ایس او کے 40ویںیوم تاسیس کے سلسلے میں ایم کیوایم یوکے کے زیراہتمام لندن میں ہونے والے اجتماع سے انتہائی اہم اورفکرانگیز خطاب کریں گے۔یہ اجتماع نارتھ لندن کے علاقے ایجویئرمیں واقع سنگم ہال میں شام چھ بجے منعقد ہوگا۔جناب الطاف حسین کایہ خطاب سوشل میڈیاکے ذریعے براہ راست نشر کیاجائے گا۔ اے پی ایم ایس او کے 40ویں یوم تاسیس کے اس اجتماع کے سلسلے میں ایم کیوایم یوکے کے مختلف ذیلی یونٹوں کے کارکنان تیاریوں میں مصروف ہیں۔یوم تاسیس کے اس اجتماع میں شرکت کے لئے امریکہ، کینیڈا،بیلجئم،ساؤتھ افریقہ اوردیگر اوورسیزیونٹوں کے ذمہ داران بھی لندن پہنچے ہیں۔ دریں اثناء ایم کیوایم یوکے کے آرگنائزر ہاشم اعظم اور آرگنائزنگ کمیٹی نے یوکے کے تمام کارکنوں اور ہمدردوں سے اپیل کی ہے کہ وہ اس اجتماع میں بھرپورتعدادمیں شرکت کریں۔

*****