ایم کیوایم کے بانی وقائدجناب الطاف حسین کی جانب سے پاکستان سمیت دنیابھرکے عوام کوعیدالفطر کی مبارکباد

لندن ۔۔۔ 14 جون 2018ء

ایم کیوایم کے بانی وقائدجناب الطاف حسین نے پاکستان سمیت دنیابھرکے عوام کوعیدالفطر کی مبارکبادپیش کی ہے ۔ اپنے بیان میں جناب الطاف حسین نے کہاکہ یہ عید الفطرایک ایسے موقع پر آئی ہے جب کراچی اور سندھ کے شہری علاقوں ، بلوچستان اورقبائلی علاقوں میں ریاستی آپریشن جاری ہے ، ایم کیوایم کے ہزاروں کارکن جھوٹے مقدمات میں مختلف جیلوں میں قیدہیں جبکہ سینکڑوں لاپتہ ہیں جن کے والدین،بھائی بہنیں اور بیوی بچے ان سے ملنے کے لئے تڑپ رہے ہیں ۔ اسی طرح بلوچستان اور قبائلی علاقوں سے تعلق رکھنے والے بھی ہزاروں افرادلاپتہ ہیں ۔ جناب الطا ف حسین نے کہاکہ ارباب اختیارکوچاہیے کہ وہ ایم کیوایم کے لاپتہ کارکنوں سمیت تمام لاپتہ افرادکوبازیاب کرائیں ، تمام سیاسی اسیروں کور ہاکریں تاکہ وہ بھی اپنے اہل خانہ کے ساتھ عید کی خوشیاں مناسکیں۔ جناب الطاف حسین نے تمام کارکنوں اورہمدردوں سے کہاکہ وہ عیدالفطرکے موقع پر شہیدوں کے لواحقین، اسیروں اورلاپتہ ساتھیوں اورمصائب ومشکلات میں مبتلاخاندانوں کوضروریادرکھیں۔ جناب الطاف حسین نے دعاکی کہ اللہ تعالیٰ تمام شہیدوں کے درجات بلندکرے، تمام لاپتہ افرادکی بازیابی اوراسیروں کی رہائی کوجلدازجلد ممکن بنائے اورتمام پریشان حال لوگوں کی پریشانیوں کودورفرمائے ،بیماروں کوصحت کاملہ عطافرمائے اورتمام بچھڑے ہوئے لوگوں کوان کے پیاروں سے ملائے ۔ خداکرے کہ یہ عیدالفطر تمام محروم ومظلوم لوگوں کے لئے سچی خوشیوں اوردکھوں سے نجات کاپیغام لے کرآئے ۔ آمین ثمہ آمین