اے پی ایم ایس اوکے 40ویں یوم تاسیس کے سلسلے میں اتوار 10جون کو ایم کیوایم انٹرنیشنل

لندن ۔۔۔ 7 جون 2018ء

آل پاکستان متحدہ اسٹوڈینٹس آرگنائزیشن کے 40ویں یوم تاسیس کے سلسلے میں اتوار 10جون کو ایم کیوایم انٹرنیشنل سیکریٹریٹ لندن میں سادہ تقریب منعقد کی جائے گی ۔ اس بات کافیصلہ انٹرنیشنل سیکریٹریٹ میں رابطہ کمیٹی اورایم کیوایم یوکے کی سینٹرل آرگنائزنگ کمیٹی اوریونٹ انچارجز کے اجلاس میں کیا گیا ۔ اجلاس کی صدارت کنوینرڈاکٹرندیم احسان نے کی ۔ اجلاس میں APMSO کے 40ویں یوم تاسیس منائے جانے کے بارے میں مختلف تجاویز پر غور کیاگیا۔ اجلاس میں کئے گئے فیصلے کے مطابق طے کیاگیاکہ رمضان المبارک کے باعث اے پی ایم ایس او کے یوم تاسیس کی سادہ سی تقریب منعقد 10جون کوانٹرنیشنل سیکریٹریٹ میں کی جائے گی تاہم عیدالفطر کے بعدلندن میں یوم تاسیس کاایک بڑااجتماع منعقد کیاجائے گا۔ واضح رہے کہ مہاجر وں کے حقوق کے لئے جناب الطا ف حسین نے جامعہ کراچی میں 11جون 1978ء کو’’ آل پاکستان مہاجر اسٹوڈینٹس آرگنائزیشن ‘‘ APMSO قائم تھی جس نے 18مارچ 1984ء کوایم کیوایم کوجنم دیا۔ بعد میں اے پی ایم ایس او کادائرہ ملک بھر میں پھیلاتے ہوئے ’’ آل پاکستان متحدہ اسٹوڈینٹس آرگنائزیشن ‘‘ میں تبدیل کردیاگیا تھا۔ 

*****